ބޯކޮށް ވާރޭވެހި ނައިފަރުގައި ފެން ބޮޑުވެއްޖެ
7 ނޮވެމްބަރު 2020 | ހޮނިހިރު 16:05އެމްއެންޑީއެފުން ދަނީ ފެން ހިންދުމުގެ މަސައްކަތުގައިނައިފަރުގައި ހަރަކާތްތެރިވަމުން
ބޯކޮށް ވާރޭވެހި ފެން ބޮޑުވުމުގެ ސަބަބުން ނައިފަރުގައި އެމްއެންޑީއެފުން ހަރަކާތްތެރި ވަނީ
ބޯކޮށް ވާރޭވެހި ޅ. ނައިފަރުގައި ފެން ބޮޑުވެއްޖެއެވެ.
އެމްއެންޑީއެފުން ބުނީ އުތުރުގެ އަތޮޅުތަކަށް ކުރަމުންދާ ވިއްސާރައިގައި ނައިފަރުގެ ބައެއް ސަރަހައްދުތަކުގައި ފެންބޮޑުވުމާ ގުޅިގެން ފެން ހިއްކުމުގެ މަސައްކަތުގައި އެމްއެންޑީއެފް ނޮދަން އޭރިއާގެ ސިފައިން ހަރަކާތްތެރިވަމުންދާ ކަމަށެވެ.
އެމްއެންޑީއެފުން އިތުރަށް ބުނީ ނައިފަރަށް ވިއްސާރަވުމުގެ ސަބަބުން ފެން ބޮޑުވާ ކަމުގެ ރިޕޯޓްކޮށްފައި ވަނީ ހޮނިހިރު ދުވަހުގެ 13:55 ހާއިރު ކަމަށެވެ.
މޫސުމާބެހޭ ގައުމީ އިދާރާ (މެޓް އޮފީސް) އިން ވަނީ ބޯކޮށް ވާރޭ ވެހޭނެ ކަމަށް ލަފާކޮށް ހއ. އަތޮޅުން ފެށިގެން ޅ. އަތޮޅާ ހަމައަށް ވައިޓް އެލަރޓް ނެރެފައެވެ. މި ވައިޓް އެލަރޓް ނެރިފައިވަނީ ހޮނިހިރު ދުވަހުގެ މެންދުރު 12:15 އިން ހަވީރު 16:00 އަށެވެ.
މޫސުމާ ބެހޭ ގައުމީ އިދާރާއިން ކުރިއަށް އޮތް 24 ގަޑިއިރު މޫސުން ލަފާކުރާ ގޮތަށް ބަލާއިރު، ރާއްޖޭގެ އެކި ހިސާބަށް ވިއްސާރަކުރާނެއެވެ. އަދި ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވެއެވެ. އޭގެ އިތުރުން ވިލާގަނޑުގައި ގަޑިއަކު 35 މޭލު ބާރުމިނަށް ވައި ގަދަވުން އެކަށީގެންވާ ކަމަށެވެ.
ބޯކޮށް ވާރޭވެހި ގުގުރާނެ ކަމަށް ލަފާކުރޭތީ ހުރިހާ ފަރާތްތަކުން މޫސުމަށް ސަމާލުވުމަށް ވެސް މޫސުމާ ބެހޭ ގައުމީ އިދާރާއިން އިލްތިމާސްކޮށްފައެވެ.
