ސުނާމީ ފަދަ ކާރިސާއެއް އަތުވެދާނެ ކަމަށް ރާއްޖޭގެ ހުރިހާ ރައްޔިތުން ހޭލުންތެރިވެ ތައްޔާރުވެ ތިބުމަކީ މުހިއްމު ކަމެއް: ހިސާން
5 ނޮވެމްބަރު 2020 | ބުރާސްފަތި 08:48ރާއްޖެފަދަ ނާޒުކު، ވަޞީލަތްތައް މަދު ޖަޒީރާ ޤައުމަކަށް ކުރިމަތިވުމަކީ އޭގެން ލިބޭ ގެއްލުމުން އަރައިގަތުމަށް ގިނަ އަހަރުތަކެއް ނަގާކަމެއްކަމަށް
ޑިޒާސްޓަރ މެނޭޖްމަންޓް އޮތޯރިޓީގެ ޗީފް އެގްޒެކެޓިވް ހިސާން ހަސަން
ސުނާމީ ފަދަ ކާރިސާއެއް އަތުވެދާނެ ކަމަށް ރާއްޖޭގެ ހުރިހާ ރައްޔިތުން ހޭލުންތެރިވެ ތައްޔާރުވެ ތިބުމަކީ މުޙިއްމު ކަމެއްކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީގެ ޗީފް އެގްޒެކެޓިވް ހިސާން ހަސަން ވިދާޅުވެއްޖެއެވެ.
ބައިނަލްއަޤްވާމީ ގޮތުން ފާހަގަ ކުރާ ސުނާމީއަށް ހޭލުންތެރި ކުރުމުގެ ދުވަހުގެ މުނާސަބާގައި، ދުވަހުގެ ތަހުނިޔާ އާއި ހެޔޮ އެދުންތައް ރާއްޖޭގެ ހުރިހާ ރައްޔިތުންނަށް އަރިސް ކޮށް ހިސާން ކުރެއްވި ޓުވީޓުތަކުގައި ވަނީ ގެއްލުންދެނިވި ބާރުގަދަ ސުނާމީއެއް ކުރިމަތިވުމަށް ގިނަ އަހަރުތަކެއް ނަގާ ކަމަށް ސައިންސްވެރިންގެ ދިރާސާތަކުން ދައްކާކަން ފާހަގަކޮށް، ސުނާމީއެއް ރާއްޖެފަދަ ނާޒުކު، ވަޞީލަތްތައް މަދު ޖަޒީރާ ޤައުމަކަށް ކުރިމަތިވުމަކީ އޭގެން ލިބޭ ގެއްލުމުން އަރައިގަތުމަށް ގިނަ އަހަރުތަކެއް ނަގާކަމެއްކަމަށް ފާހަގަކުރައްވާފައެވެ. ނަމަވެސް ސުނާމީ ފަދަ ކާރިސާއެއް އަތުވެދާނެ ކަމަށް ރާއްޖޭގެ ހުރިހާ ރައްޔިތުން ހޭލުންތެރިވެ ތައްޔާރުވެ ތިބުމަކީ މުޙިއްމު ކަމެއް އޭނާ ވިދާޅުވިއެވެ.
ހިސާން އިތުރަށް ވިދާޅުވީ، ދެމެހެއްޓެނިވި ތަރައްޤީއަށް ހިންގޭ މަޝްރޫއުތަކުގައި ކާރިސާތަކުން ލިބޭ ގެއްލުން ކުޑަ ކުރުމުގެ މަޙްފޫމް ހިމެނުމަކީ ކާރިސާތަކުން ލިބޭ ގެއްލުން ކުޑަ ކުރުމަށް އެޅޭ މުހިއްމު ފިޔަވަޅެއްކަމަށާއި ވިލުންވެރި މުޖުތަމައެއް ބިނާ ކުރުމަށާއި، ކުރިއަށް އޮތް ޖީލުތަކަށް ރާއްޖޭގެ ގޮނޑުދޮށްތަކާއި، ޤުދުރަތީ ބިނާވެށި ގެނެސްދެވޭނީ ހުރިހާ ފަންތިއެއްގައި ކާރިސާތަކުން ލިބޭ ގެއްލުން ކުޑަ ކުރުމަށް ވިސްނާ، ފަރުދީ ޒިންމާ އަދާ ކޮށްގެންކަމަށެވެ.
