ރާއްޖޭގެ ބޮޑު ބަޔަކަށް ވިއްސާރަ ކުރާނެ: މެޓް
ބައެއްރަށްތަކަށް ގުގުރުމާއިއެކު ބޯކޮށް ވާރޭވެހުން
މާލޭގެ މަގުމަތީގައި ފެންބޮޑުވެފައި
ރާއްޖޭގެ ބޮޑުބަޔަކަށް ވިއްސާރަކުރާނެ ކަމަށް މޫސުމާ ބެހޭ ގައުމީ އިދާރައިން ބުނެފިއެވެ.
މެޓް އޮފީހުން ބުނީ ހޮނިހިރު ދުވަހު ހެނދުނު 10:00 އިން އާދިއްތަ ދުވަހު ހެނދުނު 10:00 އަށް ބައެއްރަށްތަކަށް ގުގުރުމާއިއެކު ބޯކޮށް ވާރޭވެހުން އެކަށީގެންވާ ކަމަށެވެ.
ހުޅަގުއުތުރާއި އުތުރުން ގަޑިއަކު 7 މޭލާއި 17 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި އަދި ވިލާގަނޑުގައި ގަޑިއަކު ގާތްގަނޑަކަށް 35 މޭލަށް ވައި ބާރުވުން އެކަށީގެންވާ ކަމަށް މެޓް އޮފީހުން މައުލޫމާތު ދެއެވެ. ކަނޑުތައް އާދައިގެ ވަރަކަށް ގަދަވާނެ ކަމަށް މެޓުން މައުލޫމާތު ދެއެވެ.
މޫސުމް ގޯސް ވުމުގެ ސަބަބުން މެޓް އޮފީހުން ވަނީ ހޮނިހިރު ދުވަހު ހެނދުނު 07:15 އިން 13:15 އަށް ހާ އަލިފް އަތޮޅުން ފެށިގެން ގދ. އަތޮޅާއި ދެމެދުގެ ރަށްތަކަށް ވައިޓް އެލާޓް ވެސް ނެރެފައެވެ.
