އެލްބިއަން ސްޓޯރގެ އައު ފިހާރައެއް ހުޅުވައިފި
އެލްބިއަންގެ މަޝްހޫރު ބްރޭންޑްތަކުގެ މުދާ ލިބިގެންދާނެ
އެލްބިއަން ސްޓޯރގެ އައު ފިހާރަ ހުޅުވުމުގެ ތެރެއިން
އެލްބިއަން ސްޓޯރ އިން ކަސްޓަމަރުންނާއި ގާތުން ޚިދުމަތް ދިނުމަށް އައު ފިހާރައެއް ހުޅުވައިފި އެވެ.
އެގޮތުން ޖަނަވަރީ މަގުގައި މިފިހާރަ ހުޅުވާފައިރު، އެލްބިއަން އަކީ 1980 ގެ އަހަރުތަކުން ފެށިގެން ހާޑްވެއަރގެ ބާވަތްތައް ރާއްޖޭގެ މާކެޓަށް ތަޢާރަފްކޮށް ސަޕްލައި ކުރަމުން އަންނަ ފަރާތެކެވެ.
އެލްބިއަން ސްޓޯރގެ އިތުރު އައުޓްލެޓެއް ހުޅުވައި، ޖަނަވަރީ މަގުން ޚިދުމަތް ދޭން ފެށީ ވަރަށް ގިނަ ކަސްޓަމަރުން އެކަމަށް ބޭނުންވެފައި ތިބި ދަނޑިވަޅެއްގައި ކަމަށް އެލްބިއަން އިން ބުންޏެވެ.
މި ފިހާރަ ހުޅުވައިދެއްވީ އާސްކް ހޯލްޑިންގްސް ޕްރައިވެޓް ލިމިޓެޑްގެ ޗެއަރޕަރސަން އާމިނަތު މިރްފަތު އަޙްމަދުއެވެ.
ފިހާރަ ހުޅުވުމާއި ގުޅިގެން ކަސްޓަމަރުންނަށް ޑިސްކައުންޓް ލިބޭ ޕްރޮމޯޝަންތަކެއްވަނީ ފަށާފައެވެ. އެގޮތުން 04 ނޮވެމްބަރ 2020 އިން ފެށިގެން 10 ނޮވެމްބަރ 2020އަށް، މި ފިހާރައިން -/500 ރުފިޔާއަށްވުރެ މަތިންކުރާ ކޮންމެ ވިޔަފާރިއަކަށް، %10ގެ ޑިސްކައުންޓެއް ކަސްޓަމަރުންނަށް ލިބިގެންދާނެއެވެ.
މި އައުޓްލެޓުގައި އެލްބިއަން ސްޓޯރުން މިހާރުވެސް ލިބެމުންދާ މަޝްހޫރު ބްރޭންޑްތަކުގެ މުދާ ލިބެން ހުންނާނެއެވެ.
އެލްބިއަންގެ މަޝްހޫރު ބްރޭންޑްތަކުގެ ތެރޭގައި މޮންސޫން، ޕްރީމާ، ރޫބީ، ސެރާ، ކެންގަރޫ އަދި އެބްކޯ ބްރޭންޑްގެ ސާމާނު ލިބެގެންދާނެއެވެ.
މީގެ އިތުރުން ތަފާތު ވައްތަރުގެ ހާޑްވެއަރ ސާމާނާއި، ފްލޯރިންގ، ތަފާތު ވައްތަރުގެ ބްލޮކް ބޯޑް، ޕްލައިވުޑް އަދި ސެނިޓަރީ ވެއަރގެ ސާމާނު ލިބެން ހުންނާނެއެވެ.
ކަސްޓަމަރުންނަށް ލިބިގެންދާނެ އިތުރު ޚިދުމަތްތަކުގެ ތެރޭގައި، އެލްބިއަން ސަރވިސަސްއިން ދެމުން އަންނަ ޓައިލް ކެފުމާއި، މަރާމާތުކުރުމާއި ކާޕެންޓްރީގެ ހިދުމަތްތައްވެސް ކަސްޓަމަރުންނަށް ލިބިގެންދާނެއެވެ.
މި ފިހާރަ ހުޅުވިފައި ހުންނާނީ ހެނދުނު 09:00 ން ރޭގަނޑު 09:00 އަށެވެ.
