އައްޑޫ ސިޓީގައި ހުންނަ އެޗްއާރްސީއެމްގެ އޮފީހުން ވައްކަން ކޮށްފި
29 އޮކްޓޯބަރު 2020 | ބުރާސްފަތި 13:04މި މައްސަލައާއި ގުޅިގެން އެއްވެސް މީހަކު ހައްޔަރު ކޮށްފައެއް ނުވޭ
ރިޒްނާ ޒަރީރު | 29 އޮކްޓޯބަރު 2020 | ބުރާސްފަތި 13:04
އައްޑޫ ސިޓީގައި ހުންނަ އެޗްއާރްސީއެމްގެ އޮފީސް
އައްޑޫ ސިޓީގައި ހުންނަ ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) ގެ އޮފީހުން ވައްކަން ކޮށްފި އެވެ.
ފުލުހުން ބުނީ މި މައްސަލަ ފުލުހުންނަށް ހުށައަޅާފައިވަނީ ބުރާސްފަތި ދުވަހުގެ ހެނދުނުގެ ވަގުތެއްގައި ކަމަށެވެ.
އިތުރަށް މައުލޫމާތު ދެމުން ފުލުހުން ބުނީ މިހާތަނަށް ބެލި ބެލުމުން ބައެއް ޑޮކިއުމަންޓާއި ދެ ލެޕްޓޮޕް އަދި ޑީވީއާރެއް ވަގަށް ގެންގޮސްފައިވާކަން އެނގިފައިވާ ކަމަށެވެ.
މި މައްސަލަ އިތުރަށް ތަހުގީގު ކުރަމުން ދާއިރު އަދި މި މައްސަލައާއި ގުޅިގެން އެއްވެސް މީހަކު ހައްޔަރު ކޮށްފައި ނުވާކަމަށް ފުލުހުން ބުނެއެވެ.
