އިންޑިއާގެ ޔޫނިއަން މިނިސްޓަރ އިރާނީ ކޮވިޑަށް ޕޮޒިޓިވް ވެއްޖެ

އިންޑިއާގެ ޔޫނިއަން މިނިސްޓަރ އެސެމްރިތީ އިރާނީ ކޮވިޑް-19 އަށް ޕޮޒިޓިވްވެއެޖެއެވެ.

ކޮވިޑަށް ޕޮޒިޓިވްވެފައިވާކަން އޭނާ ވަނީ ސޯޝަލް މީޑިއާގައި ހާމަކުރައްވާފައެވެ. އަދި ވިދާޅުވީ ކޮވިޑަށް ޕޮޒިޓިވްވެފައިވާ ކަމަށާއި، ފާއިތުވެދިޔަ ދުވަސްތަކުގައި ބައްދަލުވި ފަރާތްތަކުން ކޮވިޑަށް ޓެސްޓު ކުރުމަށް އިލްތިމާސް ކުރާ ކަމަށެވެ.

އުމުރުފުޅުން 44 އަހަރުގެ އިރާނީ ފިލްމު ކުޅުން ހުއްޓާލުމަށް ފަހު ސިޔާސީ ދާއިރާއިން މިހާރު ކުރިޔަށްދާއިރު އެކަމަނާ އަންނަނީ ބިހާރް އިންތިހާބުގައި ނެޝަނަލް ޑިމޮކްރެޓިކް އެލައިންސް އަށް ކެމްޕެއިން ކުރައްވަމުންނެވެ.

އިންޑިއާ އަކީ މުޅި ދުނިޔެއިން ދެ ވަނަ އަށް އެންމެ ގިނަ މީހުން ކޮވިޑް-19 އަށް ޕޮޒިޓިވްވެފައިވާ ގައުމެވެ. އެގައުމުން މިހާތަނަށް 7،999،755 މީހުން ކޮވިޑަށް ޕޮޒިޓިވް ވެފައިވާއިރު، 120،103 މީހުން ވަނީ އެގައުމުން މި ބަލީގައި މަރުވެފައެވެ.