އަނގޮޅިތީމް ބަނދަރު ތަރައްގީކުރުމުގެ މަޝްރޫއުގެ މަސައްކަތް ފެށުމަށް ތައްޔާރުވެއްޖެ
އެމްޓީސީސީއާ ހަވާލުކޮށްފައި ވަނީ އޮކްޓޯބަރ 8 ވަނަ ދުވަހު
ބަނދަރު ތަރައްގީކުރުމުގެ މަޝްރޫއު މަސައްކަތް ފެށުމަށް ތައްޔާރުން
ރ. އަނގޮޅިތީމް ބަނދަރު ތަރައްގީކުރުމުގެ މަޝްރޫއު ފެށުމަށް ސައިޓް މޯބަލައިޒްކޮށްފިއެވެ.
އެމްޓީސީސީން އާދިއްތަ ދުވަހު ބުނީ އަނގޮޅިތީމު ބަނދަރު ތަރައްގީ ކުރުމުގެ މަޝްރޫއުގެ އަމަލީ މަސައްކަތް ފެށުމަށް 22 އޮކްޓޯބަރުވީ ބުރާސްފަތި ދުވަހު ޕްރޮޖެކްޓް ސައިޓް މޮބިލައިޒްކޮށްފައިވާ ކަމަށެވެ.
މިނިސޓްރީ އޮފް ނެޝަނަލް ޕްލޭނިންގ އެންޑް އިންފްރާސްޓްރަކްޗާގެ ފަރާތުން މި މަޝްރޫއު އެމްޓީސީސީއާ ހަވާލުކޮށްފައި ވަނީ 2020 ވަނަ އަހަރުގެ އޮކްޓޯބަރ 8 ވަނަ ދުވަހުއެވެ.
މި މަޝްރޫއުގެ ދަށުން 42،000 ކިއުބިކް މީޓަރުގެ ސަރަހައްދެއްގެ ބަނދަރު ފުންކޮށް ހިއްކުމާއި 221 މީޓަރުގެ ސަރަހައްދެއްގައި ބޭރު ތޮށިލުމާއި 166 މީޓަރުގެ ސަރަހައްދެއްގައި ރިވެޓްމަންޓް ޖެހުމާއި 91.44 މީޓަރުގެ ސަރަހައްދެއްގައި އެއްގައުމު ތޮށިލާން ވަނީ ހަަމަޖެހިފައެވެ. އަދި މީގެ އިތުރުން 1،110 އަކަ މީޓަރުގެ ސަރަހައްދެއްގައި ޕޭވްމަންޓް ހަދައި މަގުބައްތި ހަރު ކުރާންވަނީ ހަމަޖެހިފައެވެ.
މަޝްރޫއަކީ 44.3 މިލިއަން ރުފިޔާގެ މަޝްރޫއެކެވެ.
