ކ. މާލެ
|
21 އޮކްޓޯބަރ 2020 | ބުދަ 14:27
އެމްޓީސީސީ އިން \"މައިކްރޯސޮފްޓް ޑީ365\" ލައިވްކުރުމުގެ ރަސްމިއްޔާތުގެ ތެރެއިން
އެމްޓީސީސީ އިން "މައިކްރޯސޮފްޓް ޑީ365" ލައިވްކުރުމުގެ ރަސްމިއްޔާތުގެ ތެރެއިން
އެމްޓީސީސީ
އެމްޓީސީސީގެ "މައިކްރޯސޮފްޓް ޑީ365"
އެމްޓީސީސީ އިން "މައިކްރޯސޮފްޓް ޑީ365" ލައިވްކޮށްފި
 
ކުންފުނީގެ މަސައްކަތްތަކާ ހިންގުން ހަރުދަނާވެ
 
ކުންފުންޏަށް އިތުރު ފަސޭހަތަކެއް ލިބިގެންދާނެ ކަމަށް ވަނީ ބުނެފައި

އެމްޓީސީސީއިން ބޭނުންކުރަމުން އައި "މައިކްރޯސޮފްޓް ސޮލޮމަން" އެންޓަރޕްރައިސް ރިސޯސް ޕްލޭނިނގް ސޮފްޓްވެއަރ "މައިކްރޯސޮފްޓް ޑީ365" އަށް އަޕްގްރޭޑްކޮށް ބުދަ ދުވަހު ލައިވްކޮށްފިއެވެ.

ބުދަ ދުވަހުގެ ހެނދުނު އެ ކުންފުނީގައި ބޭއްވި ހާއްސަ ރަސްމިއްޔާތެއްގައި އެ ސޮފްޓްވެއަރ ބޭނުން ކުރަން ފެށުން ރަސްމީ ކޮށް އިފްތިތާހް ކޮށްދެއްވާފައި ވަނީ އެ ކުންފުނީގެ ސީއީއޯ އާދަމް އާޒިމްއެވެ.

އެގޮތުން އެ ކުންފުނިން ނެރުނު ބަޔާނެއްގައި ބުނީ އަލަށް އިފްތިތާހް ކުރެވުނު މި އެންޓަރޕްރައިސަސް ރިސޯސް ޕްލޭނިންގ ސިސްޓަމް ގެ ސަބަބުން ކުންފުނީގެ މަސައްކަތްތަކާ ހިންގުން ހަރުދަނާވެ ކޮންޓްރޯލްސްތައް އެފިޝަންޓްވެ މައުލޫމާތު އެއްކުރުމާއި ހޯދުމުގަ އާއި މާލީ ރިޕޯޓިންގގައި ގިނަ ފަސޭހަތަކެއް ކުންފުންޏަށް ލިބިގެންދާނެ ކަމަށެެވެ.

މި އިފްތިތާހު ކުރެވުނު އީއާރުޕީ ސިސްޓަމަކީ އެއް އަހަރު ދުވަހުފެ ޕްލޭނިންގ އާއި ކުންފުނީގެ މުވައްޒަފުން އަދި މި ޕްރޮޖެކްޓްގެ ބައިވެރިންގެ ބުރަ މަސައްކަތުގެ ނަތީޖާ ކަމަށް ވެސް މި ބަޔާނުގައި ވެއެވެ.

"މައިކްރޯސޮފްޓް ޑީ365" ސޮފްޓްވެއަރ އަކީ މައިކްރޮސޮފްޓް ކުންފުނިން ކުނފުނިތަކުގެ ރިސޯސް މެނޭޖްކުރުމަށް ފަރުމާ ކޮށްފައިވާ އެންމެ ފަހުގެ ސޮފްޓްވެއަރއެވެ. އަދި މިއީ މައިކްރޯސޮފްޓް "އޮފީސް 365" އާއި އިންޓަރގްރޭޓް ވާގޮތަށް ފަރުމާ ކުރެވިފައިވާ ސޮފްޓްވެއަރއެއް ކަމުން މަސައްކަތުގައި އެ ކުންފުންޏަށް އިތުރު ފަސޭހަތަކެއް ލިބިގެން ދާނެ ކަމަށް އެ ކުންފުނިން ބުނެއެވެ.

އެމްޓީސީސީގެ އުއްމިދަކީ އަލަށް މި ލޯންޗު ކުރެވުނު ސޮފްޓްވެއަރގެ ސަބަބުން އެ ކުންފުނީގެ މަސައްކަތް އިތުރަށް ހަލުވި ވެގެން ދިޔުން ކަމަށް ވެސް އެ ބަޔާނުގައި ވަނީ ބުނެފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އަމަން ހަލީމް
0%
0%
0%
0%
0%
100%
ކޮމެންޓް