ކުޅުދުއްފުށި ސިޓީ ހަތަރުވަނަ ފަހަރަށް މޮނީޓަރިންގއަށް

ހދ. ކުޅުދުއްފުށީގައި ކޮވިޑް 19 ގެ ކޭސްތައް ފެންނަމުންދާތީވެ، ހޮނިހިރު ދުވަހުގެ ރޭ 22:35 އިން ފެށިގެން ސިއްހީ ގޮތުން ބަލަން ޖެހޭ ކަންތައްތައް ބެލުމަށް ރަށުގައި އިއުލާންކޮށްފައިވާ މޮނީޓަރިންގ ހާލަތު އިތުރުކޮށްފިއެވެ.

މި ހާލަތުގައި ރަށަށް އަރާ ފޭބުން މަނާ ވާނެއެވެ. ރަށުގައި މިވަގުތު ތިބި އެއްވެސް މީހަކު ހެލްތު ޕްރޮޓެކްޝަން އެޖެންސީން ވަކި ގޮތެއް އަންގަންދެން ރަށުން ފޭބުމާއި، އެ އެޖެންސީގެ ހުއްދަނެތި އެއްވެސް މީހަކު ކުޅުދުއްފުއްޓަށް އެރުން ވަނީ މަނާ ކުރެވިފައި ކަމަށް ކުޅުދުއްފުށީ ކައުންސިލުން ވެސް ވަނީ އަންގާފައެވެ.

މިއީ ކުޅުދުއްފުށީ މޮނިޓަރިންއަށްލީ ހަތަރުވަނަ ފަހަރެވެ. އެޗްޕީއޭއިން މިކަން އަންގައިފައި މިވަނީ ކުޅުދުއްފުށި ޕޮލިސް ސްޓޭޝަނުގައި މަސައްކަތް ކުރާ އިތުރު ދެ ފުލުހަކު ކޮވިޑް-19 އަށް އިއްޔެ ޕޮޒިޓިވްވެ، ތިލަދުންމަތީގެ ޕޮލިސް ކްލަސްޓާއާ ގުޅިގެން ކޮވިޑް-19 ޖެހުނު މީހުންގެ އަދަދު 13 އަށް އަރައިފައި ވަނިކޮށެވެ. އެ ސިޓީން ފުރަތަމަ ޕޮޒިޓިވްވީ މާލެއިން ފުރައިގެން އެރަށަށް ދިޔަ ފާޅު ބޯޓުގެ ކެޕްޓަނެވެ.