މިސް ވޯލްޑް މަނޫޝީގެ ފުރަތަމަ ފިލްމް "ޕްރިތްވިރާޖް"ގެ ޝޫޓިންތައް އަލުން ފަށަނީ
17 އޮކްޓޯބަރު 2020 | ހޮނިހިރު 01:59ޝޫޓިންތައް އަލުން ފެށުމާއި ގުޅިގެން މަނޫޝޫ ހުރީ ވަރަށް އުފަލުން
އަކްޝޭ ކުމާރު އަދި މަނޫޝީ ޗިއްލަރު
ދުނިޔޭގެ ރީތީގެ ރާނީގެ ތާޖު 2017 ވަނަ އަހަރު ހާސިލްކޮށްފައިވާ މަނޫޝީ ޗިއްލަރު އާއި އަކްޝޭ ކުމާރު ލީޑް ރޯލުން ފެނިގެންދާ ފިލްމް "ޕްރިތްވިރާޖް"ގެ ޝޫޓިންތައް އަލުން ފަށައިފި އެވެ.
އަކްޝޭ މި ފިލްމްގެ ޝޫޓިންތައް ފަށާފައި މިވަނީ އޭނާގެ އަންނަން އޮތް އަނެއް ފިލްމް "ބެލް ބޮޓަމް"ގެ ޝޫޓިންތައް ނެގުމަށްޓަކައި ޔޫކޭއަށް ދިއުމަށްފަހު އެނބުރި އައުމަށްފަހުގައެވެ.
މީގެ ކުރިން ގިނަ ބައިތަކެއް ޝޫޓްކޮށްފައިވާ "ޕްރިތްވިރާޖް"ގެ ޝޫޓިންތައް އަލުން ފަށާފައި މިވަނީ ކޮވިޑް-19 އާ ގުޅިގެން އެތައް މަސްތަކެއްވަންދެން ޝޫޓިންތައް މެދުކެނޑިފައި އޮތުމަށްފަހުގައެވެ.
ސޯޝަލް މީޑިއާގައި ދައުރުވަމުންދާ ފޮޓޯގައި އަކްޝޭ އާއި މަނޫޝީ ފެނިގެންދަނީ ތަނެއްގައި އިށީންދެ ވަރަށް ހެވިފައި ތިއްބައެވެ.
ކޮންމެއަކަސް މި ފިލްމްގެ ޝޫޓިންތައް އަލުން ފެށުމާއި ގުޅިގެން މަނޫޝޫ ހުރީ ވަރަށް އުފަލުން ކަމަށް އޭނާ ވަނީ ބުނެފައެވެ.
ޔަޝްރާޖު ފިލްމްސް އިން އުފައްދާ މި ފިލްމަކީ ޗަހާމަނާ ރާޖްޕުތް ކިންގް ޕްރިތްވިރާޖް ޗައުހަންގެ ހަޔާތުގެ މައްޗަށް ބިނާކޮށް ތައްޔާރު ކުރާ ފިލްމެކެވެ. މި ފިލްމްގައި މަނޫޝީ ފެނިގެންދާނީ ސައްޔޯގީތާގެ ރޯލުންނެވެ.
މި ފިލްމްގައި މިހާރު ފުއްޕާމޭގެ ކެންސަރަށް ފަރުވާ ހޯދަމުންދާ ސަންޖޭދަތުވެސް ފެނިގެންދާނެ އެވެ.
ދިވާލީ އަށްފަހު ފިލްމްގެ ޝޫޓިންތަކުގައި ސަންޖޭ ބައިވެރިވާނެ ކަމަށް ރިޕޯޓްތައް ބުނެއެވެ.
