ގެއްލުން ބޮޑުވެ މެލޭޝިއާ އެއާލައިން ހުއްޓުމަކަށް އައިސްދާނެ: ރިޕޯޓްތައް

ކޮވިޑް-19 އާއިއެކު މެލޭޝިއަން އެއާލައިން އިން ބޮޑު ގެއްލުމަކާއި ކުރިމަތިލާން ޖެހިފައިވާ ކަމަށާއި، އިތުރަށް ގެއްލުންވާނަމަ އެއާލައިން ހުއްޓުމަކަށް އައިސްދާނެ ކަމަށް ރިޕޯޓްތައް ބުނެފިއެވެ.

މެލޭޝިއާގެ މީޑިއާއަކަށް ދިން އިންޓަރވިއުއެއްގައި މެލޭޝިއަން އެއާލައިންގެ ޗީފް އެގްޒެކެޓިވް އިޒްހާމް އިސްމާއިލް ވިދާޅުވީ ކުންފުނި ބަނގުރޫޓުވުމުގެ ބިރު އެބައޮތް ކަމަށާއި، ކުންފުނީގެ އާމްދަނީ ދުވަހެއް ދުވަހަކަށް ދަށްވަމުން އަންނަ ކަމަށެވެ. އަދި ކުރިޔަށް އޮތް މަސްތަކުގައި ވެސް ކުންފުންޏަށް ބޮޑެތި ގެއްލުމަކާއި ކުރިމަތިލާން ޖެހުމުގެ ބިރު އެބައޮތް ކަމަށެވެ.

މެލޭޝިއާ އެއާލައިންއަށް ގޮންޖެހުންތަކާއި ކުރިމަތިވީ ޖެހުނީ ކޮވިޑް-19 އާއި ގުޅިގެން އެ ކުންފުނިން ހެދި ރެސްޓްރިކްޝަން ގަވާއިދުގެ ސަބަބުންނެވެ. އެގޮތުން މި ގަވާއިދަށް ގިނަ ބަޔެއްގެ ފާޑުކިޔުން އަމާޒުވެފައިވާއިރު، ގައުމުތަކުން މެލޭޝިއަން އެއާލައިން އިން ހަދާފައިވާ ގަވާއިދު ބަދަލުކުރުމަށް ވަނީ ގޮވާލާފައެވެ.