މިއަދު ޕޮޒިޓިވްވީ 66 މީހުން، 54 މީހުންނަކީ ދިވެހިން
9 އޮކްޓޯބަރު 2020 | ހުކުރު 17:1860 މީހުން ޕޮޒިޓިވްވީ މާލެ ސަރަހައްދުން
ކޮވިޑް-19 އަށް ސާމްޕަލް ނަގަނީ
ރާއްޖެއިން އިތުރު 66 މީހަކު ޕޮޒިޓިވް ވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާގޮތުން ހުކުުރު ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 54 ދިވެހިންނާއި 12 ބިދޭސީންނެވެ.
ޕޮޒިޓިވްވި މީހުންގެ ތެރެއިން 60 މީހުންނަކީ ގްރޭޓަރ މާލެ ސަރަހައްދުން ޕޮޒިޓިވްވި މީހުންނެވެ. އަދި ރިސޯޓްތައް ހިމެނޭ ގޮތަށް އަތޮޅުތެރޭގައި 6 މީހަކު ވަނީ ޕޮޒިޓިވްވެފައެވެ.
މިހާތަނަށް ރާއްޖެއިން ކޮވިޑް-19 އަަށް ޕޮޒިޓިވްވި މީހުންގެ ޖުމްލަ އަދަދަކީ 10808 އެވެ.
ފާއިތުވި 24 ގަޑިއިރު ތެރޭގައި 1232 ސާމްޕަލްއެއް ނެގިފައިވާކަމަށް އެޗްޕީއޭއިން މައުލޫމާތު ދެއެވެ. އެކްޓިވް ކޭސްގެ ގޮތުގައި 1113 ކޭސްއެއް ރިޕޯޓްކޮށްފައިވާއިރު، ހޮސްޕިޓަލްގައި ފަރުވާދެމުންދަނީ 74 މީހަކަށެވެ. މިހާތަނަށް ބަލިން ފަސޭހަވި މީހުންގެ ޖުމްލަ އަދަދަކީ 9654 އެވެ.
އެޗްޕީއޭއިން ހާމަކޮށްފައިވާގޮތުން މިވަގުުތު އައިސޮލޭޝަން ފެސިލިޓީތަކުގައި ތިބީ 369 މީހުންނެވެ. ކޮވިޑް19- ޖެހިގެން ރާއްޖެއިން މަރުވި މީހުންގެ ޖުމްލަ އަދަދަކީ 34 އެވެ.
