އެމެރިކާގެ ކަޅު ނަސްލުގެ މީހެއް ކަމުގައިވާ، ޖޯޖް ފްލޮއިޑްގެ މަރުގެ ތުހުމަތު ކުރެވޭ ކުރީގެ ޕޮލިސް އޮފިސަރު ކަފާލާތުގެ ދަށުން ދޫކޮށްލައިފިއެވެ.

އެމެރިކާގެ މިނިއާޕޮލިސްގެ ކުރީގެ ޕޮލިސް އޮފިސަރު، ޑެރެކް ޝޯވަން ދޫކޮށްލާފައި ވަނީ ކަފާލާތުގެ ދަށުން އެއް މިލިއަން ޑޮަލަރުުގެ ބޮންޑެންގެ ދަށުން ކަމަށް ކޯޓު ރެކޯޑްތަކުން ދައްކައެވެ.

ޝޯވަންގެ މައްޗަށް އުފުލާފައިވާ ދައުވާތަކަކީ ގަސްތުގައި މީހަކު މަރުވާފަދަ އަމަލެއް ހިންގުމުގެ ދައުވާއާއި، ކުރި އަމަލެއްގެ ސަބަބުން މީހަކު މަރުވުމުގެ ދައުވާއެވެ. ޝޯވަން ވަނީ 2020 ވަނަ އަހަރުގެ މޭ މަހުގެ 25 ވަނަ ދުވަހު ފްލޮއިޑްގެ ކަރަށް ކަކުލުން އަރައި ނުވަ މިނެޓަށް ވުރެ ގިނަ އިރު އެގޮތަށް ހޭދަކޮށްފައެވެ.

މިހާދިސާގެ ވީޑިއޯތައް އާންމުވުމުން އެމެރިކާގައި ގިނަ ބަޔަކު ފުލުހުންގެ އަނިޔާއާއި ދެކޮޅަށް ހަޅުތާލުކޮށްފައިވާއިރު، ޝޯވަންގެ ކަފާލާތުގެ އަގެއްގެ ގޮތުގައި ކަނޑައަޅާފައި ވަނީ 1.25 މިލިއަން ޑޮލަރާއި އެއް މިލިއަން ޑޮލަރެވެ. ޝަރުތުތަކާއެކު ޝޯވަން ދޫކޮށްލާފައިވާއިރު، އޭނާގެ ކަފާލާތުގެ ފައިސާއަކީ އަލަގެނީ ކެޝުއަލްޓީ ކޮމްޕެނީން ގެރެންޓީކޮށްފައިވާ ނަން-ކޭޝް ބޮންޑެއްކަމަށް އެ ލިޔެކިޔުންތަކުގައި ބުނެއެވެ.

ޝޯވަންގެ އަޑުއެހުމުގައި ކަނޑައަޅާފައިވާ ޝަރުތުތަކުގެ ތެރޭގައި ފްލޮއިޑްގެ އާއިލާއާއި އެއްވެސް ގޮތަކަށް ބައްދަލުނުކުރުމާއި، ލޯ އެންފޯސްމެންޓްގައި މަސައްކަތް ނުކުރުން ހިމެނެއެވެ. އަދި ބަޑި ގެންގުޅުމަށް ލިބިފައިވާ ހުރިހާ ލައިސެންސެއްވެސް ރައްދުކުރުމަށް އޭނާގެ މައްޗަށް ވަނީ ޝަރުތުކޮށްފައެވެ.