އެޗްޑީސީން ކުޅުދުއްފުށި ސިޓީ ކައުންސިލާއެކު އެއްބަސްވުމެއްގައި ސޮއިކޮށްފި

ހދ. ކުޅުދުއްފުށި ސިޓީ ތަރައްޤީ ކުރުމަށް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން އެ ސިޓީ ކައުންސިލާއެކު އެއްބަސްވުމެއްގައި ސޮއިކޮށްފި އެވެ.

ކުޅުދުއްފުށި ކައުންސިލާއެކު އެޗްޑީސީން މި އެމްއޯޔޫގައި ސޮއިކޮށްފައިވަނީ ހޯމަ ދުވަހު އެވެ. މި އެއްބަސްވުމުގައި އެޗްޑީސީގެ ފަރާތުން، އެ ކުންފުނީގެ މެނޭޖިންގ ޑިރެކްޓަރ ސޮއިކުރެއްވިއިރު، ކައުންސިިލްގެ ފަރާތުން ސޮއިކުރެއްވީ ކައުންސިލްގެ ރައީސް އެވެ.

މި އެމްއޯޔޫ އަކީ އެޗްޑީސީން ފެށި "އެޗްޑީސީ ބިޔޯންޑް ހުޅުމާލެ" ޕްްރޮޖެކްޓްގެ ދަށުން، ރާއްޖޭގެ އެކި ސަރަހައްދުތަށް ތަރައްޤީ ކުރުމަށް ކުރިއަށްގެންދާ މަޝްރޫއުގެ ދަށުން ވެވުނު އެއްބަސްވުމެކެވެ.

މި ޕްރޮޖެކްޓުގެ ދަށުން، ހުޅުމާލެ ތަރައްޤީ ކުރުމަށް ވޭތުވެދިޔަ އަހަރުތަކުގައި އެޗްޑީސީން ކުރި މަސައްކަތްތަކުގެ ލިިބުނު ތަޖުރިބާތައް ހިއްސާކޮށް، ޕްލޭން ކުރެވިގެން ތަރައްޤީގެ މަޝްރޫތައް ހިންގާނެ ގޮތާއި، ތިމާވެއްޓާއި ރަހުމަތްތެރި ސިޓީއަކަށް ބަދަލުވުމަށް އެހީތެރިކަން ފޯރުކޮށްދޭނެ އެެވެ. އޭގެއިތުރުން އެޗްޑީސީގެ ވަސީލަތްތައް ހިއްސާކޮށް، ކުޅުދުއްފުށި ސިޓީއަށް އިންވެސްޓަރުންގެ ޝައުޤުވެރިކަން ހޯދައި ދިނުމަށް މަސައްކަތް ކުރެވިގެންދާނެ ކަމަށް އެޗްޑީސީން ބުންޏެވެ.