މިއަދު ޕޮޒިޓިވްވީ 44 މީހުން، ގިނައީ ދިވެހިން

ރާއްޖެއިން އިތުރު 44 މީހަކު ކޮވިޑް-19 އަށް ޕޮޒިޓިވްވެ، މި ބަލި ޖެހުނު މީހުންގެ އަދަދު 10،398ށް އަރައިފިއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) ގެ ދުވަހުގެ އަދަދުތަކަށް ބަލާއިރު، މީގެ ތެރޭގައި ހިމެނެނީ 38 ދިވެއްސަކާއި، 6 ބިދޭސީއެކެވެ. އަދި ގްރޭޓަރ މާލެ ސަރަހައްދުން 40 ކޭސް ފެނިފައިވާއިރު އަނެއް 4 ކޭސް ފެނިފައިވަނީ ރަށްރަށުންނާއި ރިސޯޓުތަކުންނެވެ.

ފާއިތުވި 24 ގަޑިއިރުގެ ތެރޭގައި 26 މީހަކު ރިކަވަރވެފައިވާއިރު، ޖުމްލަ ރިކަވަރވި މީހުންގެ އަދަދު ވަނީ 9213ށް އަރާފައެވެ. އަދި ރާއްޖޭގައި މި ވަގުތު މި ބައްޔަށް ފަރުވާދެމުން އަންނަނީ 1،144 މީހަކަށެވެ. މީގެ ތެރެއިން 516 މީހަކު އައިސޮލޭޝަން ފެސިލިޓީތަކުގައި ތިބިއިރު، ހޮސްޕިޓަލުގައި ފަރުވާދެމުން އަންނަނީ 79 މީހަކަށެވެ.