އެމެރިކާގެ ރައީސް އަށް ކޮވިޑް ޖެހިއްޖެ
2 އޮކްޓޯބަރު 2020 | ހުކުރު 06:25މިހާރު ހުންނެވީ ކަރަންޓީނުގައި
ރައީސް ޓްރަމްޕްގެ އިތުރުން އަނބިކަނބަލުން ވަނީ ކޮވިޑް-19 އަށް ޕޮޒިޓިވްވެފައި
އެމެރިކާގެ ރައީސް ޑޮނަލްޑް ޓްރަމްޕް އާއި އަނބިކަނބަލުން މެލައިނާ ޓްރަމްޕް ކޮވިޑް-19 އަށް ޕޮޒިޓިވްވެއްޖެއެވެ.
އެކަން ހާމަކުރެއްވީ ރައީސް ޓްރަމްޕްގެ ޓްވިޓާ މެދުވެރިކޮށެވެ. ޓްރަމްޕް ކުރެއްވި ޓްވީޓެއްގައ ވިދާޅުވީ، ޕޮޒިޓިވްވުމާ އެކު ކަރަންޓީނުވެ ވަޑައިގަންނަވާނެ ކަމަށެވެ.
ޓްރަމްޕް އާއި އަނބިކަނބަލުން ކޮވިޑަށް ޕޮޒިޓިވްވެފައިވާއިރު، ޓްރަމްޕްގެ އެޑްވައިޒަރު ހޯޕް ހިކްސް އަށް ވެސް ވަނީ ކޮވިޑް-19 ޖެހިފައެވެ. ހޯޕްސް ވަނީ ދާދި ފަހުން އެމެރިކާގެ ރިޔާސީ އިންތިހާބުގައި ބަހުސް ބޭއްވި އޮހިޔޯ އަށް ޓްރަމްޕްއާ އެކު އެއާފޯސް ވަން ގައި ދަތުރުކުރައްވާފައެވެ.
މީގެ ކުރިން ކުރެއްވި ޓްވީޓެއްގައި ޓްރަމްޕް ވިދާޅުވީ، ހިކްސް ޕޮޒިޓިވްވުމާއި ގުޅިގެން އަނބިކަނބަލުންނާއެކު ކަރަންޓީނަށް ވަޑައިގަންނަވާނެ ކަމަށެވެ.
