ފްރާންސްގެ ކޮވިޑް ކޭސްތަކުގެ އަދަދު ބައިމިލިއަނަށް!

ފްރާންސުން ކޮވިޑް-19 އަށް ޕޮޒިޓިިވްވި މީހުންގެ ޖުމުލަ އަދަދު ބައިމިލިއަނަށް އަރައިފިއެވެ.

ފްރާންސުން ފެންނަމުންދާ ކޮވިޑް-19 ގެ ކޭސްތައް އިތުރުވަމުންދާއިރު، ފާއިތުވި 24 ގަޑިއިރު ތެރޭގައި ޕޮޒިޓިވްވި މީހުންނާއެކު ފްރާންސުން ކޮވިޑަށް ޕޮޒިޓިވްވި މީހުންގެ އަދަދު ވަނީ 513،034ށް އަރާފައެވެ. އެގޮތުން ހުކުރު ދުވަހު އެކަނިވެސް ފްރާންސުން 15،797 މީހަކު ކޮވިޑަށް ޕޮޒިޓިވްވެފައިވެއެވެ. އެއާއެކު ފްރާންސް ވެގެންގޮސްފައިވަނީ ކޮވިޑަށް ޕޮޒިޓިވްވި މީހުންގެ އަދަދު ބައިމިލިއަނަށް އަރާފައިވާ 11 ވަނަ ޤައުމަށެވެ.

އޭގެ އިތުރުން، ހުކުރު ދުވަހު އިތުރު 150 މީހަކު ކޮވިޑް ޖެހިގެން މަރުވެފައިވާއިރު، މިހާތަނަށް އެ ޤައުމުން ކޮވިޑް ޖެހިގެން މަރުވި މީހުންގެ ޖުމުލަ އަދަދު ވަނީ 31،661ށް އަރާފައެވެ. ހަމައެއާއެކު ހޮސްޕިޓަލުތަކުގައި ފަރުވާދެމުންދާ މީހުންގެ އަދަދުވެސް ފާއިތުވި މަހެއްހާ ދުވަހު ވަނީ 97ން 6128ށް އިތުރުވެފައެވެ.

ރޮއިޓަރސްގައި ރިޕޯޓް ކޮށްފައިވާ ގޮތުން ފްރާންސްގައި މިވަގުތު އައިސީޔޫގައި ފަރުވާދެމުންދާ މީހުންގެ އަދަދު އުޅެނީ 1098 ގައެވެ. އަދި ފާއިތުވި ދެ ހަފްތާ ތެރޭގައި އެކަނިވެސް އެ ޤައުމުން ވަނީ 150،000ށް ވުރެ ގިނަ މީހުން ވައިރަސްއަށް ޕޮޒިޓިވްވެފައެވެ.