ޓީޓީއެމް ފެއަރ މިފަހަރު ބާއްވާނީ ވާރޗުއަލްކޮށް!

މޯލްޑިވްސް ލީޑިން ޓްރެވެލް ޓްރޭޑް ޝޯވް، ޓްރެވެލް ޓްރޭޑް މޯލްޑިވްސް 2020 މިފަހަރު ބާއްވަނީ ވާރޗުއަލްކޮށް ކަމަށް އޯރކާ މީޑިއާ ގުރޫޕުން ބުނެފިއެވެ.

މި ފެއަރގައި ދުނިޔޭގެ 30 ޤައުމަކުން 150 ރިސޯޓާއި ހޮޓެލް އަދި 200 ޓުއަރ އޮޕަރޭޓަރުން މިހާތަނަށް މިފެއަރގައި ބައިވެރިވެރިވެފައިވާ ކަމަށް އޯރކާއިން ބުންޏެވެ.

ކުރިން ސެޕްޓެމްބަރ މަހު ބޭއްވުމަށް ނިންމާފައިވާ މި ފެއަރ މިހާރު ބޭއްވުމަށް ތައްޔާރުވަމުންދަނީ ނޮވެމްބަރ 25ން 26 ވަނަ ދުވަހުގެ ނިޔަލަށް ކަމަށް އޯރކާ މީޑިއާ ގްރޫޕުން ބުންޏެވެ.

މި ފެއަރ ބާއްވާ ތާރިހުތަކަށް ބަދަލު އަންނަމުން މިދަނީ ދުނިޔެއަށާއި ރާއްޖެއަށް ކުރިމަތިވެފައިވަނީ ކޮވިޑް-19 ގެ މި ހާލަތާ ގުޅިގެންނެވެ.

މިއީ ޓީޓީއެމް ފެއަރ ބާއްވާ 4 ވަނަ އަހަރު ކަމަށްވާއިރު ޓީޓީއެމް ފެއަރއަކީ ރާއްޖޭގައި ބާއްވާ އެންމެ ބޮޑު ބައިނަލްއަގުވާމީ ޓްރެވަލް ޓްރޭޑް ޝޯއެވެ.

އަދި މިއަހަރު ޓީޓީއެމް ޓްރެވެލް ސަމިޓް ބޭއްވުމަށް ނިންމާފައިވަނީ ނޮވެމްބަރ 24 ވަނަ ދުވަހުގައެވެ.

ޓީޓީއެމް ފެއަރގައި ބައިވެރިވުމުގެ އެންމެ ފަހުގެ ތާރީހަކީ 15 އޮކްޓޯބަރ 2020 އެވެ.