ގްލޯނެޓްގެ އެޑިއުކޭޝަން ފެއަރ މާދަމާ ފަށާނެ!
މިފެއަރ އޮންނާނީ އޮގަސްޓް 29 އަދި އޮގަސްޓް 30
ގްލޯނެޓް އެޑިއުކޭޝަން ފެއަރގެ ތެރެއިން
ގްލޯނެޓުން އިންތިޒާމް ކޮށްގެން ބާއްވާ "އެޑިއުކޭޝަން ފެއަރ" މާދަމާ ފަށާނެއެވެ.
މިފެއަރ އޮންނާނީ އޮގަސްޓް 29 އަދި އޮގަސްޓް 30 މި ދެ ދެވަހު ނޭޝަލް އާރޓްގެލަރީގައި ކޮންމެ ދުވަހެއްގެ ހަވީރު 17:00އިން ފެށިގެން ރޭގަނޑު 22:00 ހަމައަށެވެ.
ގްލޯނެޓް އެޑިއުކޭޝަން ފެއަރއަކީ މަތީ ތައުލީމު އުނގެނުމަށް ބޭނުންވާ ކުދިންނަށް އަމާޒު ކޮށްގެން އަހަރަކު ދެ ފަހަރު ބާއްވާ ފެއަރއެކެވެ.
އެގޮތުން މިހާތަނަށް 20 ފެއަރއެއް ބާއްވައިފައިވާ ކަމަށް ގްލޯނެޓުން ބުންޏެވެ.
މި ފެއާގައި މެލޭޝިޔާގެ 13 ޔުނިވާސިޓީއަކުން ވަނީ ބައިވެރިވެފަ އެވެ. އޭގެ ތެރޭގައި ދިވެހީންގެ މެދުގައި މަގުބޫލުކަން ހޯދާފައިވާ ބައެއް ޔުނިވާސިޓީތައް ވެސް ހިމެނެ އެވެ.
މިފެއަރގައި ތަފާތު އެކި ޔުނިވާސިޓީތަކުގެ ކޯސްތަކާ ގުޅޭ މައުލޫމާތު ދީ އެ ކޯސްތަކަށް ކުރިމަތިލެވޭނެ އިންތިޒާމު ވަނީ ހަމަޖައްސައިފަ އެވެ. އަދި ބައެއް ޔުނިވާސިޓީތަކުން ވަނީ، މި ފެއާގެ ތެރެއިން ފޯމް ހުށަހަޅާ ދަރިވަރުންނަށް ހާއްސަ ޑިސްކައުންޓްތަކެއް ވެސް ތައާރަފް ކޮށްފަ އެވެ.
މިއީ މަތީ ތައުލީމުގެ ފުރުސަތުތައް ފަހިކޮށްދިނުމަށް، 2005 ވަނަ އަހަރުން ފެށިގެން ގްލޯނެޓުން ބާއްވާ ފެއާ އެކެވެ. އެގޮތުން ކޮންމެ އަހަރަކު ވެސް ދެ ފެއާ އެއް ކުންފުނިން ބާއްވަ އެވެ. މިއަހަރުގެ ފެބްރުއަރީ މަހުގެ ތެރޭގައި ގްލޯނެޓުން ބާއްވާ ފުރަތަމަ އެޑިއުކޭޝަން ފެއާ ވަނީ ބާއްވާފައެވެ.
