ރިޔާދް ޓްރެވެލް ފެއަރ
ރިޔާދް ޓްރެވެލް ފެއަރގައި ރާއްޖެއިން ބައިވެރިވެއްޖެ
 
ފެއަރ ބާއްވާފައިވަނީ އޭޕްރިލް 7 އިން 10 ވަނަ ދުވަހުގެ ނިޔަލަށް
ރިޒުނާ ޒަރީރު
ކ. މާލެ |
ރިޔާދް ޓްރެވެލް ފެއަރގެ ތެރެއިން
ޓްވިޓަރ

ރިޔާދް ޓްރެވެލް ފެއަރ 2017 ގައި ދިވެހި ރާއްޖެއިން ބައިވެރިވެއްޖެ އެވެ.

ސައުދީ އަރަބިއްޔާގެ ވެރިރަށް ރިޔާދްގައި ބޭއްވި ރިޔާދް ޓްރެވެލް ފެއަރ 2017 ބާއްވާފައި ވަނީ އޭޕްރިލް 7 އިން 10 ވަނަ ދުވަހުގެ ނިޔަލަށް ފައިސަލިއަޙް ޓަވަރ ހޮޓެލްގަ އެވެ. މޯލްޑިވްސް އެސޯސިއޭޝަން އޮފް ޓްރެވެލް އެޖެންޓްސް އެންޑް ޓުއަރ ގައިޑްސް މަޓާޓޯއިން މިފެއަރގައި ރާއްޖޭގެ އެންމެ އިސް އޮފިޝަލުގެ ގޮތުގައި ބައިވެރިވެފައިވާއިރު ރާއްޖޭގެ ތަފާތު 11 ކުންފުންޏަކުން ވަނީ މިފެއަރގައި ބައިވެރިވެފައެވެ.

މިފަދަ ފެއަރއެއްގައި ބައިވެރިވުމުގެ އެންމެ ބޮޑު މަޤްޞަދަކީ ރާއްޖޭގެ ފަތުރުވެރިކަން އިތުރަށް ކުރިއަރުވާ ތަރައްޤީ ކުރުމަށްވާއިރު ރިޔާދް ފެއަރއަކީ މެދު އިރުމަތީގައި ބާއްވާ އެންމެ ބޮޑު އެއް ފެއަރ އެވެ.

މިފެއަރގައި ފަތުރުވެރިކަމުގެ ދާއިރާގައި ހުރި ފުރުޞަތުތަކާއި ރާއްޖޭގެ ފަތުރުވެރިކަން ތަރައްޤީވެފައި އޮތް މިންވަރު ދައްކާދީފައި ވެއެވެ.

މިފެއަރގެ ޒަރީއާއިން ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތައް އެއްތަނަކުން ބައްދަލުވެ މަޝްވަރާ ކުރެވިފައިވާ ކަމަށާއި މިދާއިރާއާ ގުޅުން ހުރި މުހިއްމު މައުލޫމާތު ދިނުމުގެ ބައްދަލުންތަކާއި ހަރަކާތްތައް ބާއްވާފައިވެ އެވެ. ޓުއަރިޒަމް ދާއިރާއިން ރާއްޖޭގައި ހުރި އިންވެސްޓްމަންޓްގެ ފުރުޞަތުތަކާއި ގުޅޭ މައުލޫމާތު ވެސް ވަނީ ހިއްސާކޮށްފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އަލީ ޔޫސުފް
0%
އަންތަރީސް ވެއްޖެ
0%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް