ހުޅުމާލޭގެ ދެވަނަ ފިޔަވަހި ގުޅާލަން އަޅާ އެއް ބްރިޖްގެ މަސައްކަތް ނިމި، އާންމުންނަށް ހުޅުވާލަނީ
13 ސެޕްޓެމްބަރު 2020 | އާދީއްތަ 14:34ދެވަނަ ބްރިޖް އަށް މީހުންނަށް ވަދެވޭ ގޮތަށް އަދި ހަމަޖެހިފައެއް ނުވޭ
ހުޅުމާލެ ފޭސް ދޭއް ގުޅުވާލައި ބްރިޖެއް
ހުޅުމާލޭގެ ދެވަނަ ފިޔަވަހި ގުޅާލަން އަޅާ ބްރިޖްތަކުގެ މަސައްކަތް ނިމިފައިވާ ކަމަށާއި، އޭގެ ތެރެއިން އެއް ބްރިޖް އާއްމުންނަށް ވަދެވޭނެ ގޮތަށް އަންނަ މަހު ހުޅުވާލާނެ ކަމަށް ހައުސިން ޑިވޮލޮޕްމެންޓް ކޯޕަރޭޝަން (އެޗްޑީސީ) އިން ބުނެފިއެވެ.
އެޗްޑީސީން ހުޅުމާލޭގައި ހިންގަމުންދާ މަޝްރޫއުތަކުގެ މައުލޫމާތު ''ރާއްޖެ.އެމްވީ'' އާ ހިއްސާ ކުރައްވަމުން އެޗްޑީސީގެ މުނިސިޕަލްގެ ޑިރެކްޓަރ އާދަމް އަޒްމީ ވިދާޅުވީ، ދެވަނަ ފޭސްގެ މަގުތަކުގެ މަސައްކަތުގެ އިތުރުން ބައެއް ހައުސިން ޔުނިޓްގެ މަސައްކަތް މިހާރު ކުރަމުންދާ ކަމަށެވެ. އެގޮތުން ދެވަނަ ފޭސްއާ ގުޅުވާލާއިދޭ އެއް ބްރިޖް ހުޅުވާލުމުން ދަތިތަކެއް ނެތި އާއްމުންނަށް ވަކި ހިސާބަކަށް ވަދެވޭނެ ގޮތް ހަމަޖެހިގެންދާނެ ކަމަށް ވިދާޅުވިއެވެ. އަދި ދެވަނަ ބްރިޖް ވެސް މި ހަފްތާ ތެރޭގައި ހުޅުވާލެވޭނެ ކަމަށް އަޒްމީ ވިދާޅުވިއެވެ. ނަމަވެސް ދެ ވަނަ ބްރިޖް ހުޅުވިޔަސް އެ ބްރިޖަށް އާއްމުންނަށް ވަދެވޭނެ އިންތިޒާމް އަދި ހަމަޖެހިފައިވާނުވާ ކަމަށް އެޗްޑީސީން ބުންޏެވެ.
އޭނާ ވިދާޅުވި، ދެވަނަ ބްރިޖަށް މީހުންނަށް އަދި ނުވަދެވޭ ގޮތަށް ހަމަޖައްސާފައިވަނީ އެ ތަނުގައި ގިނަ ޕްރޮޖެކްޓްތަކެއް ހިންގާތީއާ، މުޅި އެއްކޮށް ހުޅުވާލުމުން ކޮންްޓްރެކްޓަރުންނަށް ލިބިދާނެ ގެއްލުމަކަށް ބަލާފައި ކަމަށެވެ.
ހުޅުމާލޭ ދެވަނަ ފިޔަވަހީގެ ބްރިޖް ގުޅުވާލައިދޭ ބްރިޖަތަކުގެ މަޝްރޫއު ކުރިޔަށް ގެންދަނީ ސަައުދީ ފަންޑުން ދީފަައިވާ 80 މިލިއަން ޑޮަލަރަށެވެ. ކުރިން މި މަޝްރޫއު ނިންމައި ބްރިޖްތައް ހުޅުވާލަން އޮތީ މި އަހަރުގެ މާރޗް މަހުއެވެ. އެކަމަކު ކޮވިޑް-19 ގެ ސަބަބުން މަސައްކަތްތަކަށް މަޑުޖެހުމެއް އައެވެ. ދެވަނަ ފިޔަވަހީގައި 240 އަކަމީޓަރުހެ ބިން ވަނީ ހިއްކާފައެވެ. އެޗްޑީސީން ބުނެފައިވާ ގޮތުން އެ ސަރަހައްދުގައި 15،000 ހައުސިން ޔުނިޓް ތަރައްގީ ކުރާނެއެވެ.
