ގއ. ކޮނޑޭގައި މަސްތުވާތަކެއްޗާއެކު މީހަކު ހައްޔަރުކޮށްފި
12 ސެޕްޓެމްބަރު 2020 | ހޮނިހިރު 11:49ހައްޔަރުކޮށްފައިވަނީ އުމުރުން 21 އަހަރުގެ ފިރިހެނެއް
ފުލުހުން ހިންގި އޮޕަރޭޝަނެއްގެ ތެރެއިން
ގއ. ކޮނޑޭގައި މަސްތުވާތަކެއްޗާއެކު އުމުރުް 21 އަހަރުގެ ފިރިހެނެއް ހައްޔަރު ކޮށްފިއެވެ.
ފުލުހުން ބުނީ މި މަހުގެ 11 ވަނަ ދުވަހު ހިންގި އޮޕަރޭޝަނެއްގައި އެ މީހާ ހައްޔަރުކޮށްފައިވަނީ ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ގއ. ވިލިނގިލީ ޕޮލިސް ސްޓޭޝަންގައި މަސައްކަތް ކުރާ ފުލުހުންނާއި ފުލުހުންގެ އިންޓެލިޖެންސް ގުޅިގެން ހިންގި އޮޕަރޭޝަނެއްގައި ކަމަށެވެ.
ކޯޓު އަމުރެއްގެ ދަށުން ކޮނޑޭގެ ގެއެއް ބަލައި ފާސް ކުރިއިރު އެގެއިން މަސްތުވާތަކެތި ކަމަށް ޝައްކު ކުރެވޭ އެއްެޗެއްހުރި 497 ސެލޯފިން ކޮޅާއި ފިލްމު ހުސްކުރި ދަޅެއް ވަނީ ފެނިފައިވާ ކަމަށް ވެސް ފުލުހުން ބުންޏެވެ.
މި މައްސަލަ ވިލިނގިލީ ޕޮލިސް ސްޓޭޝަނުން ދަނީ ތަހުގީގު ކުރަމުންދާ ކަމަށާއި ގއ. ވިލިނގިލީ މެޖިސްޓްރޭޓް ކޯޓުން އެ މީހާގެ ބަންދަށް 15 ދުވަސް ޖަހާފައިވާ ކަމަށް ވެސް ފުލުހުން ބުނެއެވެ.
