ކ. މާލެ
|
11 ސެޕްޓެންބަރ 2020 | ހުކުރު 20:29
ޕީއެސްޖީއަށް ކުޅެމުން އަންނަ ބްރެޒިލްގެ ތަރި ނޭމާ
ޕީއެސްޖީއަށް ކުޅެމުން އަންނަ ބްރެޒިލްގެ ތަރި ނޭމާ
ގެޓީ އިމޭޖަސް
ނޭމާ ކޮވިޑް-19 އިން ރަނގަޅުވުން
ކޮވިޑް-19 އިން ރަނގަޅުވެ، ނޭމާ ފަރިތަކުރުންތަކަށް
 
ނޭމާގެ އިތުރުން ޕީއެސްޖީގެ ހަ ކުޅުންތެރިޔަކު މީގެ ކުރިން ވަނީ ކޮވިޑް-19 އަށް ޕޮޒިޓިވް ވެފައި
 
ނެމާ ކޮވިޑް-19 އަށް ޕޮޒިޓިވްވީ މި މަހުގެ ދެވަނަ ދުވަހު

މި މަހުގެ ދެވަނަ ދުވަހު ކޮވިޑް-19 އަށް ޕޮޒިޓިވްވި ބްރެޒިލްގެ ތަރި ނޭމާ ބަލިން ރަނގަޅުވެ، ޕީއެސްޖީގެ ފަރިތަކުރުންތަކުގައި ބައިވެރިވާން ފަށައިފިއެވެ.

ނޭމާ ކޮވިޑް-19 އަށް ޕޮޒިޓިވްވީ ސްޕެއިންގެ ރަށެއް ކަމުގައިވާ އިބްޒާއަށް ޗުއްޓީ ހޭދަކުރަން ގޮސް އުޅެނިކޮށެވެ. ނޭމާގެ އިތުރުން އޭނާއާއެކު ޗުއްޓީގައި އުޅުނު ޕީއެސްޖީގެ އިތުރު ފަސް ކުޅުންތެރިއަކު ވަނީ ވައިރަހަށް ޕޮޒިޓިވް ވެފައެވެ. އެ ފަސް ކުޅުންތެރިންނަކީ ފޯވާޑް އެންހެލް ޑި މަރިއާ އާއި، މިޑްފީލްޑަރު ލެއަންޑްރޯ ޕަރެޑެސް އާއި، ގޯލްކީޕަރު ކޭލޯ ނަވާސް އާއި، ފޯވާޑް މައުރޯ އިކާޑީީގެ އިތުރުން ޑިފެންޑަރު މާކީނިއޯސްއެވެ. އަދި ފަހުން ޕީއެސްޖީގެ ކީލިއަން އެމްބާޕޭ ވަނީ ފްރާންސްގެ ގައުމީ ފުޓްބޯޅަ ޓީމަށް ނަގާފައިވަނިކޮށް ކޮވިޑް-19 އަށް ޕޮޒިޓިވް ވެފައެވެ.

ހުކުރު ދުވަހު ނޭމާ ކުރި ޓްވީޓެއްގައި ބުނީ އޭނާ ކޮވިޑް-19 އިން ރަނގަޅުވެ އަލުން ޕީއެސްޖީގެ ފަރިތަކުރުންތަކުގައި ބައިވެރިވާން ފަށާފައިވާ ކަމަށާއި، އެނބުރި ފަރިތަކުރުންތަކުގައި ބައިވެރިވާން ފެށުމުން އެކަމާ އުފަލުން ހުރި ކަމަށެވެ.

ޕީއެސްޖީގެ ގިނަ ކުޅުންތެރިންތަކެއް ކޮވިޑް-19 އަށް ޕޮޒިޓިވް ވެފައިވާއިރު، މި ސީޒަނުގެ ފްރެންޗް ލީގުގައި ކުޅުނު ފުރަތަމަ މެޗުން އެންމެ ފަހުގެ ޗެމްޕިއަން ޕީއެސްޖީ ވަނީ ލީގަށް އަލަށް ޕްރޮމޯޓްވި ލެންސް އަތުން ބަލިވެފައެވެ. ބުރާސްފަތި ދުވަހުގެރޭ ކުޅުނު މެޗުން ލެންސް އަތުން ޕީއެސްޖީ ބަލިވީ 1-0 ގެ ނަތީޖާއަކުންނެވެ.

ލީގުގައި ކުޅުނު ފުރަތަމަ މެޗުން ޕީއެސްޖީ ބަލިވިއިރު، ލީގުގައި ދެން ޕީއެސްޖީން މެޗެއް ކުޅޭނީ އަންނަ އާދީއްތަ ދުވަހުގެރޭއެވެ. އެރޭ ޕީއެސްޖީ ނުކުންނާނީ މާސޭއާ ދެކޮޅަށެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އިސްމާޢީލް ޝާހް
0%
0%
0%
0%
0%
0%
ކޮމެންޓް