މަޤާމުން ދުރަށް ޖެހިވަޑައިގަތުމުގެ ވިސްނުންފުޅު ނުގެންގުޅުއްވާ ކަމަށް ބެލަރޫސްގެ ރައީސް އެލެކްޒެންޑްރާ ލުކެޝެންކޯ ވިދާޅުވެއްޖެއެވެ.
އެލެކްޒެންޑްރާ މިހެން ވިދާޅުވީ އެ ގައުމުގައި އެމަނިކުފާނާއި ދެކޮޅަށް ކުރަމުންގެންދާ މުޒާހަރާ ތަކާއި ގުޅިގެންނެވެ. އެ ޤައުމުގެ ރައްޔިތުން މުޒާހަރާ ކުރަމުންދަނީ އެލެކްޒެންޑްރާ މަޤާމުން އިސްތިއުފާ ދެއްވާފައި ނުވާތީއެވެ.
އެލެކްޒެންޑްރާ މަޤާމުން އިސްތިއުފާ ދެއްވުމަށް އެދި ގޮވާލަމުންދާ މީހުންނަށް ނިސްބަތް ކުރައްވާ ވިދާޅުވީ އެމަނިކުފާނުގެ އަމިއްލަ ފައިދާއަށް މަގާމުން ދުރަށް ޖެހިވަޑައިނުގެން ބާރުގެ ބޭނުން ކުރައްވައިގެން، އެބާރުގައި ހިފަހައްޓަވައިގެން ހުންނަވާހެން ހީވާނަމަ އެއީ ކުށްހީއެއް ކަމަށެވެ. އަދި އެ ޤައުމުގެ ރައީސްގެ މަޤާމަށް މާދަމާ އިތުރު އެހެން މީހެއް އަޔަސް މަގުމަތީގައި އަޑުގަދަ ކުރަމުންދާ ބަޔެއްގެ އަޑު ނައްސަވާނެ ކަމަށެވެ. އަދި ހަމަ އެމީހަކު ވެސް ކަންތައްތައް ކުރާނީ ޤާނޫނާއި ޤަވާއިދާ އެއްގޮތަށް ކަމަށެވެ.
އެ ޤައުމުގައި ބޭއްވި ރިޔާސީ އިންތިހާބުގައި އެލެކްޒެންޑްރާ 80 އިންސައްތަ ވޯޓު ވަނީ ލިބިފައެވެ. އަދި ދެވަނަ ފަހަރަށް އޭނާ ވަނީ ރައީސް ކަމުގެ މަޤާމަށް ހޮވިވަޑައިގެންފައެވެ. ނަމަވެސް އެ ޤައުމުގެ އިދިކޮޅު ޕާޓީއަށް ނިސްބަތްވާ މީހުންނާއި ބައެއް އާންމު ރައްޔިތުންނާއި އިދިކޮޅު ޕާޓީގެ މީހުން ވަނީ އެލެކްޒެންޑްރާ ވޯޓު އޮޅުވާލެއްވި ކަމަށް ބުނެ ތުހުތަމަތުތައް ކުރައްވާފައެވެ.
އެ ޤައުމުގެ އިދިކޮޅުން ފަރާތްތަކުން ތަކުރާރުކޮށް ބުނަމުން ދަނީ އިންތިހާބުގެ ނަތީޖާ ޤަބޫލު ނުކުރާނެ ކަމަށެވެ.
