ރަޝިއާގެ އިދިކޮޅު ލީޑަރ ނަވާލްނީ ކޯމާ އިން ހޭއަރައިފި

ރަޝިއާގެ އިދިކޮޅު ލީޑަރ އެލެކްސޭ ނަވާލްނީ ކޯމާއިން ހޭލައިފިއެވެ.

ބައިނަލް އަގުވާމީ މީޑިއާ ރިޕޯޓުތަކުން ބުނެފައިވަނީ އޭނާ ކޯމާ އަށް ދިޔައީ ޓޮމްސްކް އެއާރޕޯޓް ކެފޭއިން އިން ބުއި ސައިތަށްޓަކަށް ޒަހަރު އަޅާފައި ހުރުމުގެ ސަބަބުންނެވެ.

އޭނާގެ ހާލު މިހާރު ރަނގަޅު ކަމަށާއި އަދި މިހާރު އިންޑިއުސް ކޯމާ އިން ހޭލުމުން މެކޭނިކަލް ވެންޓިލޭޓަރު ނިއްވާލާފާއިވާ ކަމަށް ވެސް އޭނާ ފަރުވާ ހޯދަމުންގެންދާ ޖަރުމަނުގެ ޗެރިޓޭ ހޮސްޕިޓަލް އިން ހޯމަ ދުވަހު ބުނެފައިވެއެވެ.

ރަޝިއާގެ ލީޑަރ ވްލަޑިމިއަރ ޕުޓިން ގެ ސަރުކާރާއި، ކޮރަޕްޝަން އާއި ދެކޮޅަށް އަޑުއުފުލައި ގިނަ ބައެއްގެ ތާއިދު ހޯދާފައިފާވާ ނަވާލްނީ، ގަސްތުގައި މަރާލަން ރަޝިއާ ސަރުކާރު އަޑީގައި އޮވެ ޒަހަރު ދިން ކަމަށް އޭނާގެ ސަޕޯޓަރުންނާއި އާއިލާ އިން ދަނީ ބުނަމުންނެވެ. ނަމަވެސް ނަވާލްނީ އަށް ރަޝިއާ އިން ފަރުވާދިން ޑޮކްޓަރުން ހާމަ ކުރި ގޮތުގައި އޭނާގެ ހަށިގަނޑުން ޒަހަރުގެ އެއްވެސް އަސަރެއް ފެނިފައެއް ނުވެއެވެ.

އުމުރުން 44 އަހަރުގެ ނަވާލްނީގެ ސްޕޯކްސްވުމެން އާއި ހަވާލާދީ ބައިނަލްއަގްވާމީ މިޑިއާ ރިޕޯޓުތައް ބުނާ ގޮތުން، ރަޝިއާގެ އޮމްސްކް ސިޓީ އިން ޖަރުމަނުވިލާތުގެ ވެރިރަށް ބާރލިންއަށް އިތުރު ފަރުވާ އަށް ފުރާފައިވަނީ މީގެ ދެ ހަފްތާ ކުރިންނެވެ.

ރަޝިއާ ސަރުކާރުން ވަނީ ނަވާލްނީ އިތުރު ފަރުވާއަށް ނުފޮނުވަން ވަރަށް މަސައްކަތް ކޮށްފައެވެ. އެގޮތުން، އާއިލާގެ ފަރާތުން އެދިގެން ޖަރުމަނު ވިލާތުން، ސިއްހީ ފަރުވާ ދިނުމަށް އެޑްވާންސް އިކިއުޕްމަންޓްސްތަކާއި، ހާއްސަ ޑޮކްޓަރަކާއެކު ފްލައިޓެއް އައުމުން ވެސް ދަތުރު ކުރުމުގެ ހުއްދަ ދީފައި ނުވެއެވެ. އޭނާ ފުރަން ފަހުން ހުއްދަ ދީފައިވަނީ ބައިނަލް އަގްވާމީ މީޑިއާތަކުން ޕްރެޝަރ ކުރުމާއި ގުޅިގެންނެވެ.