އަރްޖުން ކަޕޫރް ކޮވިޑަށް ޕޮޒިޓިވްވެއްޖެ

އަރްޖުން ކަޕޫރް ކޮވިޑަށް ޕޮޒިޓިވްވެއްޖެއެވެ.

ބެލުންތެރިންގެ ތެރޭގައި މަޤުބޫލު ފިލްމެއް ކަމައްވާ ޓޫ ސްޓޭޓްސް، މި ފިލްމުން އެތަކެއް އަންހެން ކުދިންގެ ހިތް އަތުލާފައިވާ ބޮލީވުޑްގެ މަޝްހޫރު ތަރި އަރުޖުން ކަޕޫރް ވައިރަސްއަށް ޕޮޒިޓިވްވިކަން ހާމަކޮށްފައިވަނީ 06 ސެޕްޓެމްބަރ 2020 ވަނަ ދުވަހު އަރުޖުންގެ އޮފިޝަލް އިންސްޓަރގްރާމްގައި ޝެއަރ ކުރި ޕޯސްޓެއްގައެވެ.

އެ ޕޯސްޓުގައި އޭނާ ބުނެފައިވަނީ ބަލީގެ އެއްވެސް ކަހަލަ އަލާމާތްތަކެއް ފެނިފައި ނުވާ ކަމަށާއި، ޑޮކްޓަރުންގެ ލަފާގެ މަތިން ހޯމް ކަރަންޓީންގައި އޭނާ މިހާރު ހުރި ކަމަށެވެ.

މި ޕޯސްޓުގައި އަރްޖުންގެ ފޭނުން އޭނާއަށް ކުރަމުންދާ ސަޕޯޓަށް ނިހާޔަތައް ޝުކުރު އަދާކޮށްފައިވާ އިރު، އޭނާ ބުނެފައިވަނީ ކުރިއަށް މި އޮތް ދުވަސްތަކުގައި އޭނާގެ ސިއްހަތައް އަންނަމުންދާ ބަދަލުތައް ފޭނުންނާއި ހިއްސާ ކުރަމުންދާނެ ކަމަށެވެ.

މި ޕޯސްޓް ނިންމާލަމުން އަރުޖުން ބުނެފައިވަނީ، މި ދަނޑިވަޅަކީ ހުރިހާ އެންމެންނަށް ވެސް ބުނެދޭން ނޭނގޭ ދަތި ވަގުތެއް ކަމަށާއި، އެންމެން ގުޅިގެން މި ބަލިމަޑުކަމުން އަރައިގަނެވޭނެ ކަމަށް އޭނާ އުންމީދު ކުރާ ކަމަށެވެ.

އަރްޖުން ކޮވިޑަށް ޕޮޒިޓިވްވެފައިވަނީ ސައިފް އާއި އެކު "ބޫތް ޕޮލިސް"ގެ ލީޑްރޯލުން ފެނިގެންދާނެ ބައެއް މީޑިއާތަކުގައި ރިޕޯޓްކޮށްފައި ވަނިކޮށެވެ. އަދި މި ފިލްމުގެ ޝޫޓިން މިއަހަރު ފަހުކޮޅު ފެށުމަށް ހަމަޖެހިފައިވާ ކަމަށް ވެސް ބޭރުގެ މީޑިއާތަކުގައި ރިޕޯޓްކޮށްފައިވެއެވެ.