ކ. މާލެ
|
5 އޭޕްރިލް 2019 | ހުކުރު 22:09
އަރްޖުން ކަޕޫރް އާއި މަލައިކާ އަރޯރާ މުމްބާއީ އެއާޕޯޓްގައި، ރާއްޖެއަށް ކުރި ދަތުރަށް ފަހު
އަރްޖުން ކަޕޫރް އާއި މަލައިކާ އަރޯރާ މުމްބާއީ އެއާޕޯޓްގައި، ރާއްޖެއަށް ކުރި ދަތުރަށް ފަހު
ހިންދުސްތާނީ ޓައިމްސް
އަރްޖުން ކަޕޫރް - މަލައިކާ އަރޯރާ
އަރްޖުން ކަޕޫރް އާއި މަލައިކާ އަރޯރާ ރާއްޖެ އައީ އެކުގައި
 
ފުރަތަމަ ރިޕޯޓް ކުރެވުނު ގޮތުގައި އަރްޖުން ރާއްޖެ އައިސްފައިވަނީ މަލައިކާ އައިސް ދިއުމަށް ފަހު

ބޮލީވުޑްގެ ތަރިން، އަރްޖުން ކަޕޫރް އާއި މަލައިކާ އަރޯރާ ރާއްޖެ އައިސްފައިވަނީ އެކުގައި އެވެ.

ދަތުރު ތެރޭގައި މަލައިކާ ގިނަ ފޮޓޯތަކެއް ޝެއާ ކޮށްފައިވާއިރު، އެއްވެސް ފޮޓޯއެއް އަރްޖުން ޕޯސްޓް ކޮށްފައެއް ނުވެއެވެ. އަދި މަލައިކާ ރާއްޖެ އައިސްފައިވަނީ އެކުވެރިންތަކަކާ އެކު، 'ގަރލްސް ޓްރިޕް'އެއްގައި ކަމަށް ވެއެވެ. ނަމަވެސް، މުމްބާއީއަށް އަނބުރާ ދިއުމަށް ފަހު އަރްޖުން ކުރި ޕޯސްޓަކުން އޮޅުން ތަކެއް އަރާފައެވެ.

ފުރަތަމަ ރިޕޯޓް ކުރެވުނު ގޮތުގައި އަރްޖުން ރާއްޖެ އައިސްފައިވަނީ މަލައިކާ އައިސް ދިއުމަށް ފަހުއެވެ.

އެހެން ނަމަވެސް، އިންޑިއާގެ ނޫސްތަކުން ރިޕޯޓް ކޮށްފައިވާ ގޮތުގައި، ރާއްޖެ އަށް ކުރި ދަތުރަށް ފަހު މަލައިކާ މުމްބާއީ އަށް އަނބުރާ ދިޔައިރު އެކުގައި އަރްޖުން ވެސް ހުއްޓެވެ.

މީގެ އިތުރުން، މަލައިކާގެ ފޮޓޯއަކަށް މަޝްހޫރު ފިލްމް ޑައިރެކްޓަރ އަދި ޕްރޮޑިއުސަރ ފަރާ ހާން ކޮށްފައިވާ ކޮމެންޓެއްގައި "މި ފޮޓޯތައް ނަގަނީ ކާކުތާ؟" މިހެން އަހާފައި ވެއެވެ.

އަދި އެއަށް ފަހު، އަރްޖުން ޕޯސްޓް ކުރި ފޮޓޯގައި "މިހާރު އެނގިއްޖެ"ކަމަށް އޭނާ ބުނެފައިވެއެވެ.

މި ދެ މީހުން މުމްބާއީއަށް އެކުގައި ދިޔަ ނަމަވެސް، މަލައިކާގެ ފޮޓޯތަކުން އޭނާ އުޅުނީ ނިޔާމަ ޕްރައިވެޓް އައިލެންޑްސް މޯލްޑިވްސްގައި އިނގެއެވެ. ނަމަވެސް، އަރްޖުންގެ ފޮޓޯގައި 'ޕެރެޑައިސް އައިލެންޑް' ޖަހައިފައިވެއެވެ.

އޮޅުން އަރަން މެދުވެރިވި އެއް ސަބަބަކީ މިއެވެ. ނަމަވެސް، އަރްޖުންގެ ޕޯސްޓްގެ ދެވަނަ ފޮޓޯއިން ފެންނަނީ ނިޔާމާ ޕްރައިވެޓް އައިލެންޑްސް މޯލްޑިވްސްގެ ޖެޓީކަން ފާހަގަ ކުރެވެއެވެ.

މަލައިކާ، 45، އާއި ފިރިމީހާ އަރްބާޒް ހާން 2017 ވަނަ އަހަރު ވަކިވެފައިވާ އިރު، އޭނާއާއި އަރްޖުން ރަށްޓެހިވެގެން އުޅޭ ވާހަކަ ފުރަތަމަ އަޑު އިވެން ފެށީ 2018 ވަނަ އަހަރެވެ. އަދި މި މަހުގެ 19 ވަނަ ދުވަހު އެ ދެ މީހުން ކައިވެނި ކުރަން އުޅޭކަމަށް ބައެއް ރިޕޯޓްތަކުން ބުނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
25%
0%
0%
25%
0%
50%
ކޮމެންޓް