ހޯމަ 27 ޖެނުއަރީ 2020
9 ހުވަން
1441 ޖުމާދުލް އާހިރަތު 02
ފަތިސް 05:04
އިރުއަރާ 06:19
މެންދުރު 12:23
އަސްރު 15:42
މަޣްރިބް 18:18
އިޝާ 19:33
ލުއި ޚަބަރު - ބޮލީވުޑް

އަރްޖުން ރާމްޕާލް ސިޔާސީ މައިދާނަށް ނުކުންނަނީތަ؟

  • ޕާޓީ ބާރްތިޔާ ޖަނަތަ ޕާތީ (ބީޖޭޕީ)ގެ އޮފީހަށް އަރްޖުން ރާމްޕާލް ޒިޔާރަތްކުރި

އަލީ ޔޫސުފް
AliYooosuf

ކ. މާލެ 11 ޖެނުއަރީ 2017 | ބުދަ 16:19 2,510

ބީޖޭޕީ އޮފީހުން ނުކުތުމަށް ފަހު އަރްޖުން ރާމްޕާލް މީޑިއާ އަށް އިންޓަވިއު ދެނީ - ގޫގުލް

ފިލްމް "ރާޖްނީތީ" އާއި "ސަތިޔަގްރާ"ގައި އަރުޖުން ރާމްޕާލް ވަނީ ސިޔާސީ ސަހްސިއްޔަތެއްގެ ރޯލް ވަރަށް ފުރިހަމައަށް އަދާކޮށްފައެވެ. އެ ދެ ފިލްމްގައި ވެސް އޭނާ އަދާކުރި ސިޔާސީ އަދި އެކްޓިވިސްޓެއްގެ ރޯލަށް ގިނަ ބައެއްގެ ތައުރީފް ލިބިފައިވާއިރު ހަގީގީ ސިޔާސީ ދުނިޔެއަށް އަރްޖުން ރާމްޕާލް ނުކުންނަން އުޅޭކަމުގެ އަޑުތަކެއް މިހާރު ވަނީ ފެތުރިފައެވެ.

މި އަޑުތައް ފެތުރިގެން ގޮސްފައި ވަނީ ދާދި ފަހުން އަޝޯޖާ ރޯޑްގައި ހުންނަ އިންޑިއާގެ ވެރިކަން ކުރާ ޕާޓީ ބާރްތިޔާ ޖަނަތަ ޕާތީ (ބީޖޭޕީ)ގެ އޮފީހަށް އަރްޖުން ރާމްޕާލް ޒިޔާރަތްކުރުމުންނެވެ. އޭނާ ޒިޔާރަތްކުރީ ބީޖޭޕީގެ ނޭޝަނަލް ޖެނެރަލް ސެކްރެޓަރީ ކައިލާޝް ވިޖޭވަރްގިޔާއާ ބައްދަލުކުރުމަށެވެ. އެ ދެ މީހުން ތިން ގަޑިއެއްހާއިރު އޮފީހުގައި ހޭދަކޮށްފައިވާއިރު މަޝްވަރާކުރީ އާންމު އިންތިޚާބާ ބެހޭ ގޮތުން ކަމަށް ވެއެވެ.

ސިޔާސީ މައިދާނަށް ނުކުންނަނީތޯ ނޫސްވެރިން ސުވާލުކުރުމުން އަރްޖުން ބުނެފައި ވަނީ ޕާޓީއާ ގުޅުމުގެ ވިސްނުމެއް ނެތް ނަމަވެސް ކުރިއަށް އޮތްތަނުގައި އެހީތެރިކަން ފޯރުކޮށްދިނުމަށް ތައްޔާރަށް ހުރި ކަމަށެވެ. އެ އޮފީހަށް ދިޔައީ ކައިލާޝްއާ ބައްދަލުކުރުމަށް ކަމަށާއި ބޮޑުވަޒީރު ނަރެންދުރަ މޯދީ ކުރައްވާ ކަންކަމުގައި އެހީތެރިކަން ފޯރުކޮށްދިނުމަށް ބޭނުންވާކަން ހާމަކުރުމަށް ކަމަށް ވެސް އަރްޖުން ބުނެފައި ވެއެވެ. ހާއްސަކޮށް ސާފުތާހިރުކަން އިތުރުކުރުމަށް ސަރުކާރުން ކުރާ މަސައްކަތްތައް އޭނާ ފާހަގަކުރިއެވެ. އޭނާއަކީ ސިޔާސީ މީހެއް ނޫން ކަމަށާއި އަދި އެ އޮފީހަށް ދިޔައީ ސިޔާސީ ކަމެއް ކުރަން ނޫން ކަމަށް އަރްޖުން ބުނެފައި ވެއެވެ. ނަމަވެސް ފާޑުކިޔާ ފަރާތްތަކުން ބުނަނީ ސިޔާސީ ބޭނުމެއް ނެތި ސިޔާސީ ޕާޓީއެއްގެ އޮފީހަށް ދިޔުމުގެ ބޭނުމެއް ނެތް ކަމަށާއި ކޮންމެ ވެސް ކަންތައްގަނޑެއް އުޅޭ ކަމަށެވެ.

ގިނަ ބަޔަކު ހީކޮށްގެން ތިބީ އަރްޖުންގެ މި ޒިޔާރަތަކީ ކުރިއަށް އޮތް ޕަންޖާބްގެ އިންތިޚާބުގައި ބީޖޭޕީއަށް ވާގިވެރިވުން ކަމަށްވީ ނަމަވެސް އޭނާ ވަނީ އެކަން ދޮގުކޮށްފައެވެ. ނަމަވެސް އަރްޖުން ބުނީ ޔޫޕީގެ އެސެމްބްލީ އިލެކްޝަނުގައި ރަނގަޅު ކެންޑިޑޭޓަކު ނުކުމެއްޖެ ނަމަ ކެމްޕެއިން ކޮށްދެން ތައްޔާރަށް ހުރި ކަމަށެވެ.

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް