ހުވަދޫ ސަރަޙައްދީ ދާރުލްއާސާރުން ވައްކަން ކުރި މައްސަލައެއް ފުލުހުން ބަލަނީ
6 ސެޕްޓެމްބަރު 2020 | އާދީއްތަ 02:30ވަގަށް ނަގާފައިވަނީ ކޮން އެއްޗެއްސެއްކަން ފުލުހުން ހާމައެއް ނުކުރޭ
ހުވަދޫ ދާރުލްއާސާރު- މިތަން ހުޅުވާފައިވަނީ 11 ސެޕްޓެންބަރު 2018 ގައި
ގދ. ތިނަދޫގައި ހުންނަ ހުވަދޫ ސަރަޙައްދީ ދާރުލްއާސާރުން ވައްކަން ކުރި މައްސަލައެއް ފުލުހުން ބަލަން ފަށައިފިއެވެ.
އެކަމާ ގުޅޭގޮތުން ފުލުހުން ބުނީ، މި މައްސަލަ ފުލުހުންނަށް ހުށައަޅާފައިވަނީ ހޮނިހިރު ދުވަހުގެ ރޭގެ ވަގުތެއްގައި ކަމަށެވެ. އެގޮތުން ދާރުލްއާސާރަށް ވަގަށް ވަދެ އެތަނުގައި ހުރި ބައެއް ތަކެތި ވަގަށް ގެންގޮސްފައިވާކަން ފުލުހުން ފާހަގަ ކުރިއެވެ.
އެހެން ނަމަވެސް، ވަގަށް ނަގާފައިވަނީ ކޮން އެއްޗެއްސެއްކަން ފުލުހުން ހާމަކޮށްފައެއް ނުވެއެވެ.
ފުލުހުން ބުނީ، މި މައްސަލަ ފުލުހުންނަށް ހުށައަޅާފައިވަނީ ސަގާފީ ތަރިކަ ރައްކާތެރިކުރާ ޤައުމީ މަރުކަޒުން ކަމަށެވެ. އަދި މި މައްސަލަ އިތުރަށް ތަޙުޤީޤު ކުރަމުންދާކަމަށް ފުލުހުން ބުނެފައިވެއެވެ.
ހުވަދޫ ދާރުލްއާސާރު ހުޅުވާފައިވަނީ 11 ސެޕްޓެންބަރު 2018 ގައެވެ.
