ފުވައްމުލަކުގައި މާރާމާރީ ހިންގި ދެ މީހަކު ހައްޔަރުކޮށްފި
ފުލުހުން ދަނީ މައްސަލަ ތަހުގީގު ކުރަމުން
ފުވައްމުލަކު ސިޓީ މަތިން ނަގާފައިވާ މަންޒަރެއް
އޮގަސްޓު މަހުގެ 28 ވަނަ ދުވަހު ފުވައްމުލަކު ސިޓީ ގައި މީހެއްގެ ގައިގައި ޖަހައި މާރާމާރި ހިންގި މައްސަލައެއްގައި ދެ ފިރިހެނަކު ހައްޔަރުކޮށްފިއެވެ.
މީޑިއާތަކަށް ފުލުހުން ފޮނުވި މެސެޖެއްގައި ބުނީ، މި މައްސަލާގައި ހައްޔަރު ކޮށްފައިވަނީ 22 އަހަރެއްގެ ފިރިހެނެއްގެ އިތުރުން 25 އަހަރުގެ ފިރިހެނެއް ކަމަށެވެ. ކޯޓު އަމުރުގެ ދަށުން މި ދެ މީހުން ހައްޔަރުކޮށްފައިވަނީ ހުކުރު ދުވަހުގެ ވަގުތެއްގައެވެ.
މި މައްސަލަ ގައި ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ހޯމް މިނިސްޓްރީން ކަނޑައަޅާ ތަނެއްގައި ބަންދުގައި ބަހައްޓައިގެން ތަހުގީގު ކުރިޔަށް ގެންދިޔުމަށް 10 ދުވަހުގެ މުއްދަތެއް ދީފައިވާ ކަމަށް ފުލުހުން ބުންޏެވެ. ފުލުހުން ދަނީ މައްސަލަ ތަހުގީގު ކުރަމުންނެވެ.
