އަދަދުތައް ދަށެއް ނުވޭ، މިއަދުވެސް 104 މީހުން ޕޮޒިޓިވް
27 އޯގަސްޓު 2020 | ބުރާސްފަތި 17:3376 ދިވެހިން ޕޮޒިޓިވްވި
ކޮވިޑް-19 އަށް ޓެސްޓު ކުރުމުގައި ސިއްހީ އޮފިޝަލުންތަކެއް ހަރަކާތްތެރިވަނީ
އިތުރު 104 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، ޕޮޒިޓިވްވި މީހުންގެ ތެރޭގައި ހިމެނެނީ 76 ދިވެހިންނާއި ބަންގްލަދޭޝްގެ 22 މީހުން އަދި އިންޑިއާގެ ފަސް މީހުންގެ އިތުރުން ނޭޕަލްގެ އެކަކު ކަމަށެވެ. މި ކޭސްތަކުގެ ތެރެއިން 102 ކޭސް އެއް ރިޕޯޓް ކުރެވިފައިވަނީ ގްރޭޓަރ މާލެ ސަރަހައްދުންނެވެ. އަދި ދެ ކޭސްއެއް ރިޕޯޓު ކުރެވިފައިވަނީ އަތޮޅު ތެރެއިންނެވެ.
މި އަދަދުތަކާއި އެކު ޕޮޒިޓިވް ކޭސްތަކުގެ އަދަދު ވަނީ 7329ށް އަރާފައެވެ. ބަލި ޖެހުނު މީހުންގެ ތެރެއިން 180 މީހަކަށް ދަނީ ހޮސްޕިޓަލުގައި އެޑްމިޓް ކޮށްގެން ފަރުވާދެމުންނެވެ.
ބުރާސްފަތި ދުވަހު ބަލިން ފަސޭހަވެފައިވަނީ 90 މީހުންނެވެ. އެ އަދަދާއެކު ޖުމްލަ ރިކަވަރީގެ އަދަދު ވަނީ 4691ށް އަރާފައެވެ. މާލޭގެ އިތުރުން މި ވަގުތު 32 ރަށަކުން ކޭސްތަކެއް ވަނީ ފެނިފައެވެ. އަދި 15 ރިސޯޓަކުން ކޭސްތަކެއް ފެނިފައިވާއިރު އެ ރިސޯޓުތަކުން 11 ފަތުރުވެރިޔަކީ 19 މުވައްޒަފަކު ވެސް ވަނީ ޕޮޒިޓިވްވެފައެވެ.
