އަނުޝްކާ އާއި ވިރާޓު އަށް ދަރިއަކު ލިބެނީ
އެ ދެމީހުން ކައިވެނި ކުރީ 2017 ވަނަ އަހަރު
އަނުޝްކާ ޝަރްމާ އާއި އޭނާގެ ފިރިމީހާ ވިރާޓު ކޯލީ
ބޮލީވުޑްގެ އެކްޓްރެސް އަނުޝްކާ ޝަރްމާ އާއި އޭނާގެ ފިރިމީހާ ވިރާޓު ކޯލީ އަށް ދަރިޔަކު ލިބެން އުޅޭކަން އިއުލާން ކޮށްފިއެވެ.
އަނުޝްކާ މިކަން ހިއްސާކޮށްފައިވަނީ ޓުވިޓަރ މެދުވެރިކޮށް ކުރި ޕޯސްޓެއްގައެވެ. މި ޕޯސްޓުގައި އަނުޝްކާ ބުނެފައިވަނީ އާއިލާއަށް ތިން ވަނަ މެމްބަރަކު އިތުރުވާ ކަމަށާއި ދަރިފުޅު އުފަން ވަނީ އަންނަ އަހަރުގެ ޖަނަވަރީ މަހު ކަމަށެވެ.
އަނުޝްކާ ބަލިވެ އިން ޚަބަރު އިއުލާން ކުރުމާއި އެކު ބޮލީވްޑްގެ ވަރަށް މަޝްހޫރު ތަރިން ގެންދަނީ އެމީހުންނަށް އަނުޝްކާގެ ދެމަފިރިންނަށް މީސް މީޑިއާގައި މަރުހަބާ ކިޔަމުންނެވެ.
އެދެމީހުން މިވަގުތު ތިބީ އެމީހުންގެ މުމްބާއީގައި ހުންނަ ރެސިޑެންސްގައި ކަރަންޓީނު ވެގެންނެވެ.
އަނުޝްކާ އާއި ވިރާތު ކައިވެނި ކުރީ 2017 ވަނަ އަހަރުގެ ޑިސެމްބަރު މަހުގެ 11 ވަނަ ދުވަހު، އިޓަލީގެ ޓަސްކަނީގައެވެ.
އަނުޝްކާ އާއި ވިރާޓް އަށް ދަރިއަކު ލިބެން އުޅޭކަން އެދެމަފިރިން ހާމަކޮށްފައިވާއިރު ކަރީނާ ކަޕޫރް އަދި ސައިފް އަލީ ހާން އަށްވެސް ދެވަނަ ދަރިއަކު ލިބެން އުޅޭކަން އެ ދެމަފިރިން ވަނީ ހާމަކޮށްފައެވެ.
