އައްޑޫއަށް އަސްތަކެއް ގެނެސް، ވިޔަފާރިއެއް ފަށަނީ
އައްޑޫއަށް ގެންނަނީ ފަސް އަސް
މީހަކު އަހެއް ދުއްވަނީ | ގޫގުލް
އައްޑޫ ސިޓީއަށް އަސްތަކެއް ގެނެސް، އަސް ދުއްވުމުގެ ވިޔަފާރިއެއް ފަށަން އުޅޭ ކަމުގެ މައުލޫމާތު ލިބިފައިވާ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިކަމާއި ގުޅޭގޮތުން ހޯމަ ދުވަހުގެ ޖަލްސާގައި ވާހަކަ ދައްކަވަމުން ނަޝީދު ވިދާޅުވީ އައްޑޫ އަތޮޅަށް ފަސް އަސް ގެނެސްގެން، އަސް ދުއްވުމުގެ ވިޔަފާރިއެއް ފެށުމަށް ޒުވާނަކު މަސައްކަތް ކުރަމުންދާ ކަމަށެވެ. އެގޮތުން، މި އަސްތަކާއި ގުޅޭ ސެޓްފިކެޓްތައް މިނިސްޓްރީ އޮފް ފިޝަރީޒް އެންޑް އެގްރިކަލްޗަރ އިން ހަދާ ނިންމާލާފައިވާ ކަމަށް ވެސް ވިދާޅުވިއެވެ.
އެމަނިކުފާނު އިތުރަށް ވިދާޅުވީ މި އަސްތައް ބޭނުން ކުރެވޭނީ 'ރެކްރިއޭޝަނަލް' ބޭނުންތަކަށް ކަމަށެވެ.
ނަޝީދު ވިދާޅުވީ މިއީ ވަރަށް ޝައުގުވެރި ޕްރޮޖެކްޓަކަށް ވާނެ ކަމަށާއި މިއީ އަޖުމަ ބަލާލަން ރަނގަޅު ޚިދުމަތެއް ކަމަށެވެ.
