ސީމަނުންނަށް ބޭނުންވާ ސިއްހީ ފަރުވާ ލިބޭނެ އިންތިޒާމް ހަމަޖެއްސުމަށް ގޮވާލާ ހުށައެޅި ގަރާރާއި ގުޅޭ ކޮމިޓީ ރިޕޯޓު ފާސްކޮށްފި
24 އޯގަސްޓު 2020 | ހޯމަ 09:21މެރިޓައިމް ދާއިރާއަށް މީހުން ތަމްރީނުކުރުމަށް ގޮވާލާފައިވޭ
ވިޔަފާރި ބަނދަރު، ފާސްކުރުމަށް ވޯޓުދެއްވީ .58 މެމްބަރުން
މަކުނުދޫ ދާއިރާގެ މެމްބަރު އަހުމަދު ރާއީ ހުށައަޅުއްވަފައިވާ މެރިޓައިމް އިންޑަސްޓްރީގެ ފަރާތުން ފާޅުކޮށްފައިވާ ކަންބޮޑުވުންތަކާ ގުޅޭގޮތުން ހުށައަޅާފައިވާ ގަރާރާއި ގުޅޭ ކޮމިޓީ ރިޕޯޓު ފާސްކުރުމަށް ރައްޔިތުންގެ މަޖިލީހުން ފާސްކޮށްފިއެވެ.
މި ގަރާރު ދިރާސާކޮށް މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީން އެކުލަވާލި ރިޕޯޓު ފާސްކުރީ 58 މެމްބަރުންގެ ވޯޓުންނެވެ.
މެރިޓައިމް އިންޑަސްޓްރީގެ ފަރާތުން ފާޅުކޮށްފައިވާ ކަންބޮޑުވުންތަކާ ގުޅިގެން ހުށައަޅާފައިވާ ގަރާރުގައި މައިގަނޑު ގޮތެއްގައި ފާހަގަކޮށްފައިވާ ކަންކަމަކީ މިވަގުތު ރާއްޖޭގައި ހުރި ޝިޕިންގ އޭޖެންޓްސް އަދި ލޮޖިސްޓިކް ކޮމްޕެނީތަކުގައި މަސައްކަތްކުރާ ދިވެހިންގެ އަދަދު އިތުރު ކުރުމަށާއި ވަކި މިންގަނޑެއް ނެތި އިމްޕޯޓު ފްރައިޓް ކޮންޓްރޯލު ކުރަމުންދާއިރު، އެކަމުގެ ސަބަބުން ވިޔަފާރިވެރިންނަށާއި ދިވެހި ރައްޔިތުންނަށް ގެއްލުންވާ ކަމަށެވެ. އަދި އަދި އެކަމާގުޅޭ މިންގަނޑުތަކެއް ޓްރާންސްޕޯޓު މިނިސްޓްރީން އެކުލަވާލައިފިނަމަ އެކަން ޙައްލުވެގެންދާނެ ކަމަށް ވެސް ގަރާރުގައި ވެއެވެ.
މީގެ އިތުރުން ދިވެހިރާއްޖޭގައި ޝިޕިންގ ލޯ ނުވަތަ މާޗެންޓް ޝިޕިންގެ ޤާނޫނެއް އެކުލަވައިލުމުގެ މުހިންމުކަމަށާއި މީހުން ތަމްރީނުކުރުމަށް ލޯނު ސްކީމެއް ތަޢާރަފު ކުރުމަށާއި ރާއްޖޭގައި ޝިޕިންގ އިންޑަސްޓްރީ ހަރުދަނާވުމާއި، ބޯޓު ދަތުރު ކުރާ މީހުންނަށް އަޅާލުމުގެ މުހިންމުކަން ގަރާރުގައި ފާހަގަކޮށްފައިވެއެވެ.
މި ގަރާރު ދިރާސާ ކޮށް، ކޮމިޓީން 6 ކަމެއް ހުށައަޅާފައިވެއެވެ. ކޮމިޓީން ހުށައަޅާފައިވަނީ (SEAFARER'S IDENTITY DOCUMENT(SID ތަޢާރަފްކޮށް ސީމަނުންނަށް ލިބޭނެ ގޮތް ހެދުމަށެވެ. އަދި މެރިޓައިމް އިންޑަސްޓްރީ ކުރިއެރުވުމަށްޓަކައި މޯލްޑިވްސް ޓްރާންސްޕޯޓް އޮތޯރިޓީ ރީސްޓްރަކްޗަރކުރުމާއެކު، އެ ތަނަކީ ރައްޔިތުންނަށް ފެންވަރު ރަނގަޅު ޚިދުމަތެއް ދެވޭނެ ތަނަކަށް ހެދުމަށެވެ.
މީގެ އިތުރުން ސެންޓަރ ފޯ މެރިޓައިމް ސްޓަޑީސްގެ ކިޔަވައިދިނުމުގެ ފެންވަރު ރަނގަޅުކުރުމަށާއި މެރިޓައިމް ދާއިރާއަށް މީހުން ތަމްރީނު ކުރުމަަށް ކޮމިޓީން ހުށައަޅާފައިވާއިރު ޝިޕިންގ އަދި ލޮޖިސްޓިކް ދާއިރާގައި ދިވެހި ކުންފުނިތައް ހަރަކާތްތެރިވުން އިތުރު ކުރުމަށް މަގުފަހިކޮށްދިނުމާއެކު، އެ ދާއިރާގައި ދިވެހިންގެ ހިއްސާ އިތުރު ކުރުމަށް ލާޒިމް ކަމަށް ވެސް ހުށައަޅާފައިވެއެވެ.
މި ގަރާރު ބަލައިގަނެ، ދިރާސާ ކުރުމަށް ކޮމިޓީއަށް ފޮނުވާފައިވަނީ މިދިޔަ އަހަރުގެ ނޮވެމްބަރު މަހުގެ 27 ވަނަ ދުވަހުއެވެ.
