އިންޑިއާގެ، ސީރަމް އިންސްޓިޓިޓުގެ ކޮވިޑް-19 ވެކްސިން، 'ކޮވި ޝީލްޑް' 73 ދުވަހުގެ ތެރޭގައި ވިއްކަން ފަށާނެ ކަމަށް ބުނެފިއެވެ.

ބޭރުގެ މީޑިއާތަކުން ރިޕޯޓުކޮށްފައިވާގޮތުގައި އިންޑިއާ ސަރުކާރުން ވަނީ އެ އިންސްޓިޓިއުޓްއަށް ޚާއްސަ މެނުފެކްޗަރިންގް ލައިސަންސްއެއް ދީ، ޓްރައަލް ޕްރޮޓޮކޯލް ޕްރޮސެސް އަވަސް ކުރުމުގެ ފުރުސަތު ދީފައެވެ. އެގޮތުން މި ޓްރައަލްތައް 58 ދުވަސް ތެރޭގައި ނިންމޭނެ ކަމަށް އެ އިންސްޓިޓިއުޓުން ބުންޏެވެ.

އެ އިންސްޓިޓިއުޓުން ބުނީ ފުރަތަމަ ޑޯޒިންގް ހޮނިހިރު ދުވަހު ދެވިގެންދާނެ ކަމަށާއި ދެވަނަ ޑޯޒިންގް 29 ދުވަހުގެ ތެރޭގައި ދެވޭނެ ކަމަށެވެ. އޭގެ 15 ދުވަސް ފަހުން އެންމެ ފަހު މަރުހަލާ، ފެށިގެންދާނެ ކަމަށްވެސް ބުންޏެވެ. އަދި އެއަށްފަހު އާއްމުކޮށް ވިއްކަން ފަށާނެ ކަމަށްވެސް ވިދާޅުވިއެވެ.

1600 ވޮލެންޓިއަރުންނާއި އެކު ކުރިއަށް ގެންދެވޭ ފަހު ޓްރަޔަލް ފަށާފައިވަނީ ހޮނިހިރު ދުވަހުއެވެ.

ކުރިން އޮންނަ އުސޫލުން ނަމަ ތިން ވަނަ ފޭޒްގެ ޓްރަޔަލްތައް 7-8 މަހަށް ކުރިއަށް ދާނެ ކަމަށް ވަނީ ލަފާކޮށްފައެވެ.

ބޭރުގެ މީޑިއާތަކުން ރިޕޯޓުކޮށްފައިވާގޮތުގައި ސީރަމް އިންސްޓިޓިއުޓުން ވަނީ މި ވެކްސިން އުފެއްދި އެސްޓްރާ ޒެނިކާ އާއިއެކު އިންޑިއާ އަދި 92 އިތުރު ގައުމެއްގައި ވިއްކުމުގެ ރައިޓްސްއާއި ރޯޔަލިޓީ ފީ ދިނުމަށް އެއްބަސްވުމެއް ހަދާފައެވެ.