ފެސިލިޓީތަކަށް ދާން 89 މީހުން ދެކޮޅު ހަދާ: އެޗްއީއޯސީ
22 އޯގަސްޓު 2020 | ހޮނިހިރު 14:09އައިސޮލޭޓް ކުރުމުގައި އިސްކަންދެނީ ހައިރިސްކް މީހުންނަށް
ކޮވިޑް-19 މީހުންނަށް ފަރުވާ ދިނުމަށް ހަދާފައިވާ އައިސޮލޭޝަން ފެސިލިޓީއެއް
ކޮވިޑް-19ށް ޕޮޒިޓިވްވި މީހުންގެ ތެރެއިން 89 މީހަކު ފެސިލިޓީއަށް ދާން ދެކޮޅު ހަދާ ކަމަށް ހެލްތު އިމަރޖެންސީ އޮޕަރޭޝަން ސެންޓަރ (އެޗްއީއޯސީ)ން ބުނެފިއެވެ.
އެޗްއީއޯސީން ބުނީ ހުކުރު ދުވަހުގެ 18:00 އާއި ހަމަޔަށް ކޮވިޑް-19ށް ޕޮޒިޓިވްވި މީހުންގެ ތެރެއިން ފެސިލިޓީތަކަށް ނުގެންދެވި 194 މީހުން ތިބި ކަމަށެވެ. އަދި 89 މީހަކު ފެސިލިޓީއަށް ދިއުމަށް ދެކޮޅު ހަދާފައިވާއިރު 18 މީހަކު ތިބީ އާއިލާ މީހުންގެ ނަތީޖާ ލިބެންދެން މަޑުކޮށްގެންތިބި ކަމަށެވެ. މީގެއިތުރުން، 33 މީހަކާއި ގުޅިފައިނުވާއިރު އެހެނިހެން ސަބަބުތަކާއި ހުރެ 14 މީހަކު ފެސިލިޓީއަށް ގެންދެވިފައިނުވާކަމަށް އެ ސެންޓަރުން ބުންޏެވެ.
މިހާރު އަމަލުކުރަމުން އަންނަ އުސޫލުގެ ދަށުން އައިސޮލޭޓް ކުރުމުގައި އިސްކަންދެނީ ހައިރިސްކް މީހުންނަށެވެ.
އެގޮތުން އެންމެ ފުރަތަމަ ބަލަނީ ސީދާ ޕޮޒިޓިވްވާ މީހާ އެއީ ހައިރިސްކު މީހެއްތޯއާއި، އެހެން ކަމަށްވާނަމަ އެމީހަކު އައިސޮލޭޓްކުރަން އިސްކަންދެ އެވެ. އަދި އިސްކަންދޭ ގޮތް ކަނޑައަޅަނީ ޕޮޒިޓިވްވާ މީހުންގެ ގޭގެއަށް ގޮސް އެސެސްމެންޓެއް ހެދުމަށް ފަހުއެވެ.
