މޫސުން ރަނގަޅު، އެކަމަކު އުދަ އެރުން އެކަށީގެންވޭ
21 އޯގަސްޓު 2020 | ހުކުރު 08:24ބުރާސްފަތި ދުވަހު މާލެ ހިމެނޭ ގޮތަށް ރާއްޖޭގެ އެކި ސަރަހައްދުތަކަށް ވަނީ އުދަ އަރާފައި
ބުރާސްފަތި ދުވަހު މާލޭގެ ބައެއް ސަރަހައްދުތަކަށް ވަނީ އުދަ އަރާފައި
ކުރިޔަށް އޮތް 24 ގަޑިއިރު ތެރޭގައި ރާއްޖޭގެ މޫސުން އާންމު ގޮތެއްގައި ރަނގަޅުވާނެ ކަމަށާއި، އެކަމަކު ރާއްޖޭގެ ބައެއް ސަރަހައްދުތަކަށް އުދައެރުން އެކަށީގެންވާ ކަމަށް މޫސުމާ ބެހޭ ގައުމީ އިދާރާއިން ބުނެފިއެވެ.
ބުރާސްފަތި ދުވަހު މާލެ ހިމެނޭ ގޮތަށް ރާއްޖޭގެ އެކި ސަރަހައްދުތަކަށް ވަނީ އުދަ އަރާފައެވެ. އެކަމަކު މޫސުމާ ބެހޭ ގައުމީ އިދާރާއިން ބުނީ ގެއްލުންވާ ވަރަށް އުދަ އަރާފައިވާ ކަމަށް ރިޕޯޓުކުރެވިފައި ނުވާ ކަމަށެވެ.
އަދި ރާއްޖޭގެ ކަނޑުތައް އާންމު ގޮތެއްގައި ރަނގަޅުވާނެ ކަމަށާއި، އެކަމަކު ކުރިޔަށް އޮތް 24 ގަޑިއިރު ދިޔަވަރު ބޮޑުވާ ގަޑީގައި އުދާއަރާނެ ކަމަށް ލަފާކުރެވޭ ކަމަށެވެ. މެދު ރާއްޖޭގެ އަތޮޅުތަކަށް ދިޔަވަރު ބޮޑުވާނީ 14:40 ހާއިރުއެވެ. އަދި ދެކުނުގެ އަތޮޅުތަކަށް ދިޔަވަރު ބޮޑުވާނެ ކަމަށް ލަފާކޮށްފައިވަނީ މެންދުރު 15:22 ހާއިރުއެވެ.
ވައި ޖެހޭނީ އާއްމުގޮތެއްގައި މަޑުން، އުތުރުގެ އަތޮޅުތަކުގައި ހުޅަނގު އުތުރާއި އުތުރުން އަދި އެހެން ހިސާބުތަކަށް އިރުއުތުރާއި އިރުން ގަޑިއަކު 3 މޭލާއި 10 މޭލާ ދެމެދުގެ ބާރު މިނެއްގައި ކަމަށްވެސް އެ އިދާރާއިން ވަނީ ބުނެފައެވެ.
