ކާޑުން ދެފަހަރަަށް ފައިސާ ކެނޑެން ދިމާވި ސަބަބު ހޯދިއްޖެ، މައްސަލަ ހައްލު ކުރުމުގެ މަސައްކަތް ދަނީ ކުރަމުން: ބީއެމްއެލް
19 އޯގަސްޓު 2020 | ބުދަ 18:01ވީހާވެސް އަވަހަކަށް މިކަން ހައްލު ކުރުމުގެ މަސައްކަތް ކުރަމުންދާ ކަމަށް ބޭންކުން ބުނި
ބީއެމްއެލް އޭޓީއެމްއަކުން މީހަކު ފައިސާ ނަގަނީ
ކަސްޓަމަރުންގެ ޑެބިޓް ކާޑުން ދެފަހަރަަށް ފައިސާ ކެނޑެން ދިމާވި ސަބަބު ހޯދިފައިވާ ކަމަށް ބޭންކް އޮފް މޯލްޑިވްސް (ބީއެމްއެލް) އިން ބުނެފިއެވެ.
ކަސްޓަމަރުންގެ އެކައުންޓުން ފައިސާތައް ދެ ފަހަރަށް ކެނޑިގެން ބައެއް އާންމުން ވަނީ އެކަމުގެ ކަންބޮޑުވުންތައް ސޯޝަލް މީޑިއާގައި ހިއްސާކޮށްފައެވެ.
މިކަމާއި ގުޅިގެން ބީއެމްއެލް އިން ބުނީ ޑެބިޓް ކާޑު ބޭނުންކޮށްގެން ބޭންކުގެ ބައެއް ކަސްޓަމަރުން ހަދާފައިވާ ޓްރާންސެކްޝަން އެކައުންޓުން ދެފަހަރަށް ކެނޑިފައިވާކަން އެ ބޭންކަށްވަނީ ފާހަގަކުރެވިފައިވާ ކަަމަށެވެ.
އަދި މިގޮތަށް މެދުވެރިވާން ދިމާވި މައްސަލަ ހޯދިފައިވާ ކަމަށާއި ވީހާވެސް އަވަހަކަށް މިކަން ހައްލު ކުރުމުގެ މަސައްކަތް ކުރަމުންދާ ކަމަށް ވެސް އެ ބޭންކުން ބުންޏެވެ. އަދި މިކަމާ ގުޅިގެން ކަސްޓަމަރުންގެ ކިބައިން ނިހާޔަތަށް ވަނީ މައާފަށް އެދިފައެވެ.
