މާލީ ސަަރުކާރާއި ދެކޮޅަށް ހަނގުރާމާ ކުރާ ސިފައިން ނިކުމެ މާލީގެ ރައީސް އިބްރާހިމް ބޮބާކާރް ކެއިޓާ އާއި ބޮޑު ވަޒީރު ބޮބޮބެއް ހައްޔަރުކޮށްފި ކަމަށް ރިޕޯޓްތައް ބުނެފިއެވެ.
ބަޣާވަތަކުން މާލީގެ ވެރިކަން ވައްޓާލުމުގެ މަސައްކަތް ފެށުނީ އަންގާރަ ދުވަހު ހެނދުނު ވެރިރަށް ބާމަކޯގައި ހުންނަ ސިފައިންގެ އަސްކަރީ ކޭމްޕެއްގެ ކައިރީގައި، ބަޑީގެ އަޑުފަތް ގަޑާއި އެކުއެވެ.
ބޮޑު ވަޒީރާއި، ރައީސް ހައްޔަރު ކޮށްފައިވާކަން ސިފައިންގެ ލީޑަރު ވަނީ އޭއެފްޕީއަށް ކަށަވަރުކޮށްދީފައެވެ. ދެ ބޭފުޅުން ހައްޔަރުކޮށްފައިވަނީ ވެރި ރަށް ބާމަކޯގައި ހުންނަ، ރައީސް ކެއިޓާ ދިރިއުޅުއްވާ ގެކޮޅުންނެވެ.
ސިފައިން އިސް އޮފިޝަލަކު ވިދާޅުވީ، ހަތިޔާރު އެޅި ސިފައިންގެ އުޅަނދެއްގައި ބޮޑު ވަޒީރާއި ރައީސް ގެންދިޔުމުގެ މަސައްކަތް ކުރަމުންދާ ކަމަށެވެ.
ބައެއް މީޑިއާތަކުން ރިޕޯޓް ކޮށްފައިވާ ގޮތުން ހަތިޔާރު އެޅި ސިފައިން ވަނީ ފިނޭންސް މިނިސްޓަރާއި، ގާނޫނު ހަދާ މަޖިލީހުގެ ރައީސްގެ އިތުރުން ސިޔާސީ އެތައް ފަރާތްތަކެއް ހައްޔަރުކޮށްފައެވެ.
