ފަސް ރަށަކުން ކޮވިޑަށް މީހުން ޕޮޒިޓިވްވެއްޖެ

އަތޮޅުތެރޭގެ ފަސް ރަށަކުން މީހުން، ހޯމް ކަރަންޓީންއިން ދޫކޮށްލުމަށް ކުރި ޓެސްޓްތަށް ޕޮޒިޓިވްވެއްޖެއެވެ.

ނ. އަތޮޅު މިލަދޫއިން 22 އަހަރުގެ އަންހެނެއް ޕޮޒިޓިވްވެފައިވާއިރު، އަދި މާމިގިލިން 6 އަހަރުގެ ފިރިހެން ކުއްޖެއް، ކ. ހިންމަފުށިން 29 އަހަރުގެ ފިރިހެނެއް އަދި ފ. އަތޮޅު ނިލަންދޫއިން ވަނީ 4 އަހަރުގެ ފިރިހެން ކުއްޖަކު ކޮވިޑް-19ށް ޕޮޒިޓިވްވެފައެވެ. މީގެ އިތުރުން ރ. ހުޅުއްދުއްފާރުން 40 އަހަރުގެ އަހަރުގެ ފިރިހެނެއް ޕޮޒިޓިވްވެފައިވާކަމަށް އެޗްއީއޯސީން ވަނީ ބުނެފައެވެ.

ފުރަބަންދުން ދޫކުރުމަށް ޓެސްޓްކުރި ސާމްޕަލްތައް ޕޮޒިޓިވްވެ 5 ރަށަކުން ކޭސްތައް ފެނިފައިވާއިރު، މީގެކުރީންވެސް މިލަންދޫއާއި ހުޅުދުއްފާރުން ވަނީ ކޮވިޑްގެ ކޭސްތަކެއް ފެނިފައެވެ. އެޗްޕީއޭއިން އެންމެ ފަހުން އާންމު ކޮށްފައިވާ އުސޫލުގައި ވާގޮތުން، ޕޮޒިޓިވް ކޭސްތައް ހުރިހާ ރަށެއްގައިވެސް މާސްކް އެޅުން މަޖުބޫރެވެ.

މި މައުލޫމާތުތަކާއި އެކު އެޗްއީއޯސީން ބުނެފައިވަނީ، މި ހާލަތުގައި ރަށްތަށް މޮނީޓަރިންގ ހާލަތަށް ބަދަލުކުރާނީ ޕޮޒިޓިވްވި މީހުންގެ ތެރެއިން ހޯމް ކަރަންޓީނުގައި ތިބި ފަރާތްތައް، ކަރަންޓީނުވުމުގެ ގަވާއިދާއި ހިލާފުވެފައިކަން ފާހަގަކުރެވިއްޖެނަމަ ކަމަށެވެ.

އެނޫން ހާލަތެއްގައި ރަށް މޮނީޓަރިންގ ހާލަތައް ބަދަލުނުކުރާނެކަމަށް އެޗްއީއޯސީން ވަނީ ބުނެފައެވެ.