މާލޭގައި މީހަކަށް ތޫނު އެއްޗަކުން ހަމަލާދީ ގިނަ އަދަދެއްގެ ފައިސާތަކެއް ފޭރިގެންފި
މި މައްސަލަ ބުރާސްފަތި ދުވަހުގެރޭ 22:34 ހާއިރު ފުލުހުންނަށް ހުށައެޅިފައިވޭ
ފުލުހުންނަށް ހުށައެޅިފައިވާ އެކި މައްސަލަތަކުގެ ތެރޭގައި ފޭރުމާ ގުޅޭ 189 މައްސަލައެއް ހިމެނޭ
މާލޭގައި މީހަކަށް ތޫނު އެއްޗަކުން ހަމަލާދީ ގިނަ އަދަދެއްގެ ފައިސާތަކެއް ފޭރިގެންފިއެވެ.
ފުލުހުން ބުނީ، މާލޭ ވިޔަފާރިވެރިންގެ މިސްކިތް ކައިރީގައި ތޫނު އެއްޗަކުން މީހަކަށް ޙަމަލާދީ ގިނަ އަދަދެއްގެ ފައިސާ ފޭރިގެންފައިވާ މައްސަލައެއް ބުރާސްފަތި ދުވަހުގެރޭ 22:34 ހާއިރު ފުލުހުންނަށް ހުށައެޅިފައިވާ ކަމަށެވެ. އަދި ޙަމަލާ ދީފައިވަނީ 2 ސައިކަލެއްގައި ދިޔަ ބަޔަކުކަން އެނގިފައިވާކަމަށް ފުލުހުން ބުނެއެވެ.
ފުލުހުން ބުނީ، ޙަމަލާ ދިނުމުގެ ސަބަބުން އަނިޔާ ލިބުނު މީހާ އިންދިރާ ގާންދީ މެމޯރިއަލް ހޮސްޕިޓަލަށް ގެންގޮސް ފަރުވާދެމުންދާ ކަމަށެވެ. އަދި މި މައްސަލައާ ގުޅިގެން ފުލުހުން އެ ސަރަޙައްދުގައި ހަރަކާތްތެރިވެފައިވެއެވެ.
ފުލުހުން ދަނީ މި މައްސަލަ އިތުރަށް ތަހުޤީޤު ކުރަމުންނެވެ. މި އަހަރުގެ މިހާތަނަށް ފޭރުމާ ގުޅޭ 189 މައްސަލައެއް ފުލުހުންނަށް ރިޕޯޓް ކުރެވިފައިވެއެވެ.
