ކޮވިޑް-19 ޖެހިގެން އެމެރިކާގައި މަރުވި މީހުންގެ އަދަދު މަސް ދުވަސް ތެރޭ ދަށަށް ގޮސްފި

ކޮވިޑް-19 ޖެހިގެން އެމެރިކާގައި މަރުވި މީހުންގެ އަދަދު ފާއިތުވި ހަތަރު ހަފްތާ ތެރޭ ފުރަތަމަ ފަހަރަށް ދަށަށްގޮސްފި އެވެ.

ފާއިތުވި ހަފްތާގައި މަރުވި މީހުންގެ އަދަދު 16 އިންސައްތަ ދަށަށް ގޮސްފައިވާއިރު ދުވާލެއްގެ މައްޗަށް ފާއިތުވި ހަފްތާގައި މަރުވެފައިވަނީ 7200 މީހުންނެވެ.

އެމެރިކާ އަކީ ކޮވިޑް-19 އެންމެ ގިނަ މީހުންނަށް ޖެހޭ އަދި މަރުވަމުން އަންނަ ގައުމެވެ. އެހެންނަމަވެސް ފާއިތުވި ތިން ހަފްތާ ތެރޭގައި އެމެރިކާގައި އަލަށް ވައިރަސް ޖެހޭ މީހުންގެ އަދަދު ވެސް އަންނަނީ ދަށްވަމުންނެވެ. އެގޮތުން އޮގަސްޓް މަހުގެ 9 ވަނަ ދުވަހާއި ހަމައަށް ދުވާލެއްގެ މައްޗަށް އަލަށް އެ ގައުމުގައި ވައިރަސް ޖެހިގެން ރިޕޯޓް ކުރަމުން އައިސްފައިވަނީ 53،000 މީހުންނެވެ.

ފާއިތުވި ހަފްތާގައި ކޭސްތައް މަދުވެފައިވަނީ ކުރިން އެންމެ ގިނައިން ކޭސްތައް ފެންނަމުންދިޔަ ހިސާބުތަކުންނެވެ.

މުޅި އެމެރިކާގައި ވައިރަސް އަށް ޓެސްޓް ކުރެވޭ މީހުންގެ ތެރެއިން ޕޮޒިޓިވްވާ އިންސައްތަ އުޅެނީ 8 އިންސައްތައިގައެވެ. އެންމެ ގިނަ މީހުން ޕޮޒިޓިވްވެގެން ރިޕޯޓް ކުރަމުން އަންނަ މިސިސިޕީ އާއި ޓެކްސަސްގައި ޕޮޒިޓިވްވާ ރޭޓް އުޅެނީ 21 އިންސައްތައިގައެވެ.

ކޮވިޑް-19 އަށް ޕޮޒިޓިވްވާ އިންސައްތަ 5 އިންސައްތައަށްވުރެ ދަށުގައި އުލެނީ އެމެރިކާގެ 15 ސްޓޭޓެއްގަ އެވެ.