ކޮވިޑް-19 އިން ރައްކާތެރިވުމަށް ކުރާ ޚަރަދު 1.1 ބިލިއަނަށްވުރެ މައްޗަށް
މިއީ އޭގެ ކުރީ ހަފްތާ އާ އަޅާބަލާއިރު 1.4 އިންސައްތަ އިތުރު އަދަދެއް
ދަރުބާރުގޭގައި ގާއިމުކޮށްފައިވާ އެންއީއޯސީ
ކޮވިޑް-19 އިން ރައްކާތެރިވުމަށް ރާއްޖެއިން ކުރާ ހޭދަ 1.1 ބިލިއަން ރުފިޔާއަށްވުރެ މައްޗަށް އަރައިފިއެވެ.
ފިނޭންސް މިނިސްޓްރީން ހާމަކޮށްފައިވާ ތަފާސްހިސާބުތަކަށް ބަލާއިރު އޮގަސްޓް މަހުގެ 6 ވަނަ ދުވަހާ ހަމައަށް ކޮވިޑް-19 އިން ރައްކާތެރިވުމަށް ކޮށްފައިވާ ހޭދައަކީ 1.114 ބިލިއަން ރުފިޔާ އެވެ. މިއީ އޭގެ ކުރީ ހަފްތާ އާ އަޅާބަލާއިރު 1.4 އިންސައްތަ އިތުރު އަދަދެކެވެ. 1.114 ބިލިއަން ރުފިޔާގެ ތެރެއިން 552.5 މިލިއަން ރުފިޔާ އަކީ ޕާރޗޭސް އޯޑަރުތަކެވެ. އަދި ފައިސާ ނުދައްކާހުރި އިންވޮއިސްގެ ގޮތުގައި 48.1 މިލިއަން ރުފިޔާ ހުރިއިރު މިހާތަނަށް އައިއިރު ކޮވިޑް-19 އަށް ކޮށްފައިވާ ހޭދައަށް ފައިސާ ދައްކާފައިވާ އަދަދަކީ 513.2 މިލިއަން ރުފިޔާ އެވެ.
މީގެއިތުރުން އޮގަސްޓް މަހުގެ 6 ވަނަ ދުވަހާ ހަމައަށް އިގްތިޞާދީ ގޮތުން އެކިއެކި އެހީތެރިކަން ބޭނުންވާ ފަރާތްތަކަށް ކޮށްފައިވާ ހޭދައުޅެނީ 699 މިލިއަން ރުފިޔާ އެވެ. މީގެތެރެއިން އިންކަމް ސަޕޯޓް އެލަވަންސްގެ ގޮތުގައި ދޫކޮށްފައިވާ ފައިސާގެ މިންވަރު ފާއިތުވި ހަފްތާގައި ވަނީ 18 އިންސައްތަ އިތުރުވެފަ އެވެ.
މިހާތަނަށް ޚަރަދުތައް ކޮށްފައިވަނީ:
މިހާތަނަށް ޚަރަދުކޮށްފައިވާ ދާއިރާތަކަކީ:
ފިނޭންސް މިނިސްޓްރީން އަންނަނީ ކޮވިޑް-19 އަށް ކުރެވޭ ހަރަދުތަކުގެ ތަފްސީލް ހަފްތާއަކު އެއްފަހަރު އާންމު ކުރަމުންނެވެ.
