ދަނޑުވެރިކަމުގެ ފަންނީ މަސައްކަތްތަކުގެ މައުލޫމާތު ފޯރުކޮށްދޭ ޚާއްސަ ހޮޓްލައިންއެއް!
ފަންނީ މައުލޫމާތު ވީހާވެސް ލުއިފަސޭހަކޮށް ދަނޑުވެރިންނަށް ފޯރުކޮށްދެވޭނެ
ކޮވިޑް-19 ގެ މި ޙާލަތުގައި ދަނޑުވެރިންނަށް ބޭނުންވާ ފަންނީ މައުލޫމާތު ވީހާވެސް ލުއިފަސޭހަކޮށް ފޯރުކޮށްދިނުމަށް މިނިސްޓްރީން މަސައްކަތް ކުރޭ
ދަނޑުވެރިކަމުގެ ފަންނީ އެންމެހާ މަޢުލޫމާތެއް ފޯރުކޮށްދިނުމަށް ޚާއްޞަ ހޮޓްލައިނެއް މިނިސްޓްރީ އޮފް ފިޝަރީޒް، އެގްރިކަލްޗަރ އެންޑް މެރިން ރިސޯސަސްގައި ޤާއިމު ކޮށްފިއެވެ.
މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރއިން މަޢުލޫމާތު ދޭގޮތުގައި މިފަދަ ހޮޓްލައިނެއް ޤާއިމްކުރީ ދަނޑުވެރިންނަށް ބޭނުންވާ ފަންނީ މައުލޫމާތު ވީހާވެސް ލުއިފަސޭހަކޮށް ދަނޑުވެރިންނަށް ފޯރުކޮށްދެވޭނެ އިންތިޒާމު ހަމަޖެއްސުމުގެ ގޮތުންނެވެ. އެގޮތުން ހޮޓްލައިން ނަމްބަރު 3339237 ގެ ޚިދުމަތް ރަސްމީ ބަންދު ނޫން ކޮންމެ ދުވަހެއްގެ ހެނދުނު 8:00 އިން ފެށިގެން 14:00އާއި ދެމެދު ލިބޭނެކަމަށް މިނިސްޓްރީން މައުލޫމާތުދެއެވެ.
އޭގެ އިތުރުން، ކޮވިޑް-19 ގެ ބަލިމަޑުކަމުގެ މި ދުވަސްވަރު މިނިސްޓްރީން ފޯރު ކޮށްދެމުންދާ ތަފާތު އެހެނިހެން ޚިދުމަތްތައްވެސް މިނިސްޓްރީއަށް ވަޑައިނުގެން ހޯދޭނެ އިންތިޒާމު މިހާރު ވަނީ ހަމަޖެހިފައެވެ.
މިނިސްޓްރީން ވަނީ ގަސްގަހާގެއްޗާއި، ގަހުގެ ބައިތަށް ރާއްޖެއަށް އެތެރެ ކުރުމާއި، ދިރޭ ޖަނަވާރު އެތެރެ ކުރުމާއި، ވެޓެރިނަރީ ކްލިނިކްގެ ޚިދުމަތް ހޯދުން ފަދަ ކަންކަމާ ގުޅޭ ޚިދުމަތްތައް ފަސޭހައިން ހޯދޭނެ ގޮތުގެ މައުލޫމާތު ސާފު ކުރެވޭނެ އިންތިޒާމް ހަމަޖައްސާފައެވެ.
