ކޮވިޑު ޖެހިގެން 1 މަހުގެ ކުއްޖަކަށް ފަރުވާދެނީ
4 އޯގަސްޓު 2020 | އަންގާރަ 08:07ޑޭޝްބޯޑުން ދައްކާގޮތުންނަމަ 10 އަހަރުން ދަށުގެ 210 ކުޑަކުދިން ވަނީ ކޮވިޑަށް ޕޮޒިޓިވްވެފަ
އިންދިރާ ގާންދީ މެމޯރިއަލް ހޮސްޕިޓަލް
ކޮވިޑް-19 ޖެހުނު އެއް މަހުގެ ކުއްޖަކަށް ހޮސްޕިޓަލުގައި ފަރުވާދޭން ފަށައިފިއެވެ.
ކުޑަކުދިންގެ ޚާއްސަ ޑޮކްޓަރެއް ކަމަށްވާ ޑރ. އަހުމަދު ފައިސަލް ކޮށްފައިވާ ޓުވީޓެއްގައި ވަނީ އެއް މަހުގެ ކުޑަކުއްޖަކަށް ކޮވިޑް-19 ޖެހިފައިވާ ކަމަށާއި އެ ކުއްޖާ އެޑްމިޓްކޮށްފައިވަނީ ވަރަށް ބޮޑަށް ހުން ގަދަވުމުން ކަމަށް ވިދާޅުވެފަ އެވެ. ކުއްޖާ ޑީހައިޑްރޭޓް ވެފައިވާކަން ފާހަގަކުރައްވާ ޑރ. ފައިސަލް ވިދާޅުވީ އެކުއްޖާއަށް ގާތުން ދިނުމުގައިވެސް އުނދަގޫތަކެއް ހުރި ކަމަށެވެ.
ހެލްތު ޕްރޮޓެކްޝަން އެޖެންސީގެ ޑޭޝްބޯޑުން ދައްކާގޮތުންނަމަ 10 އަހަރުން ދަށުގެ 210 ކުޑަކުދިން ވަނީ ކޮވިޑަށް ޕޮޒިޓިވްވެފައެވެ. އޭގެ ތެރޭގައި 94 އަންހެން ކުދިންނާއި 116 ފިރިހެން ކުދިން ހިމެނެއެވެ. އަދި 11 އަހަރާއި 20 އަހަރާއި ދެމެދުގެ 239 ކުއްޖަކަށް ބަލި ޖެހުނު ކަމަށް ދައްކާއިރު މީގެ ތެރޭގައި 114 އަންހެން ކުދިންނާއި 125 ފިރިހެން ކުދިން ހިމެނެއެވެ.
