ދާއިރާގެ ރައްޔިތުންނަށް ނާޒިމްގެ ފަރާތުން މާސްކު ހަދިޔާކޮށްފި
3 އޯގަސްޓު 2020 | ހޯމަ 16:00ނާޒިމް ގެންދަަވަނީ ދާއިރާއަށް އެކި ގޮތް ގޮތުން އެހީތެރިކަން ފޯރުކޮށްދެމުން
ދަނގެތި ދާއިރާގެ މެމްބަރު މުހައްމަދު ނާޒިމް
ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު މުހައްމަދު ނާޒިމް (ކާނަލް ނާޒިމް) ދާއިރާ އެބޭފުޅާގެ ދާއިރާ އަށް 14,000 ފޭސް މާސްކު ހަދިޔާ ކޮށްފިއެވެ.
ނާޒިމް ވިދާޅުވީ، އެ ފޭސް މާސްކުތަކަކީ ކޮވިޑް-19އާ ދެކޮޅަށް ސަރުކާރުން ކުރަމުންދާ މަސައްކަތަށް އެހީތެރިވެ ދިނުމުގެ ގޮތުން ހަދިޔާކުރި މާސްކުތައް ކަމަށެވެ. 14000 މާސްކު ނާޒިމް ހަދިޔާ ކުރެއްވީ ދާއިރާގެ ސްކޫލް ދަރިވަރުންގެ އިތުރުން ރައްޔިތުންނަށެވެ.
ނަޒީމް އަދި އަނބިކަނބަލުން އަފާފް އަބްދުލް މަޖީދުގެ ''ނާޒިމް އަފާ ފަައުންޑޭޝަން'' އިން ދަނީ ދަނގެތި ދާއިރާގެ އިތުރުން އެހެނިހެން ފަރާތްތަކަށް އެކި ކަހަލަ އެހީތެރިކަން ފޯރުކޮށްދެމުންނެވެ. ނާޒިމްގެ ފައުންޑޭޝަނުން ވަނީ ދާދި ފަހުން ޓެކްސީ ޑްރައިވަރުންނަށް 6000 ޕަރސަނަލް ޕްރޮޓެކްޓިވް އިކުއިޕްމެންޓް (ޕީޕީއީ) ހަދިޔާކޮށްފައެވެ.
މެމްބަރު ނާޒިމްގެ ގާތް ރަހުމަތްތެރިއެއް ކަމަށްވާ މެލޭޝިޔާގެ މަޝްހޫރު ލިންބާގް ހޯލްޑިންގެ ފައުންޑަރ ވިރާ ލިންގ ކާ ޗޮކް ވެސް ވަނީ ރާއްޖެ އަށް 1000 ޕީޕީއީ ސެޓް ހަދިޔާ ކުރައްވާފައެވެ. އެތަކެތި ޑިޒާސްޓާ މެނެޖްމެންޓް އޮތޯރިޓީއާ ހަވާލުކުރެއްވީ މެމްބަރު ނާޒިމްއެވެ.
