ކ. މާލެ
|
3 އޯގަސްޓް 2020 | ހޯމަ 17:39
ބެއިޖިންގ ގެ ކުންފުންޏެއްގައި މީހުން މާސްކު އަޅައިގެން މަސައްކަތްކުރަނީ
ބެއިޖިންގ ގެ ކުންފުންޏެއްގައި މީހުން މާސްކު އަޅައިގެން މަސައްކަތްކުރަނީ
ރޮއިޓަރސް
ޗައިނާގެ އުފެއްދުންތެރިކަން
ޗައިނާގެ ކާރުޚާނާތަކުގެ އުފެއްދުންތެރިކަން މައްޗަށް ޖެހިލައިފި
 
ސަރވޭއިން ދައްކާގޮތުގައި ޗައިނާގެ އިގްތިޞާދު ކުރިން ލަފާކުރި މިންވަރަށްވުރެ އަވަހަށް އަންނަނީ ކުރިއަރަމުން
 
ޗައިނާގެ ކާރުޚާނާތަކުގެ އުފެއްދުންތެރިކަމުގެ އިންޑެކްސް ޖުލައި މަހު ހުރީ 52.8 ގައި

ކޮވިޑް-19 ގެ ސަބަބުން ޗައިނާގެ ކާރުޚާނާތަކުގެ އުފެއްދުންތެރިކަން ދަށަށް ޖެހިލާފައި އޮތުމަށްފަހު ޖުލައި މަހު ކުންފުނިތަކުގެ އުފެއްދުންތެރިކަން މައްޗަށް ޖެހިލައިފިއެވެ.

ޗައިނާގެ ތެރެއިން ތަކެއްޗަށް އޮތް ޑިމާންޑް އިތުރުވުމާއެކު ޗައިނާގެ ކާރުޚާނާތަކުގެ އުފެއްދުންތެރިކަން ވަނީ ގާތްގަޑަކަށް 10 އަހަރުތެރޭ އުފެއްދުންތެރިކަން ހުރިވަރަށް ޖެހިލާފަ އެވެ. ހޯމަ ދުވަހު ހާމަކޮށްފައިވާ ޕްރައިވެޓް ސެކްޓަރ ގެ ސަރވޭއަކުން ދައްކާގޮތުގައި ދުނިޔޭގެ ދެ ވަނަ އިގްތިޞާދުން އަންނަނީ ކޮވިޑް-19 އާ ގުޅިގެން އަޑިއަޅާފައިވާ އިގްތިޞާދު ބިނާކުރުމަށް އެހީތެރިކަން ފޯރުކޮށްދެމުންނެވެ.

އެހެންނަމަވެސް ދެ ވަނަ ވޭވެއް އައުމުގެ ބިރުވެރިކަމާއެކު ތަކެއްޗަށް އޮންނަ ޑިމާންޑް ދަށްވެ އޭޝިއާގެ ގައުމުތަކުގެ ކާރުޚާނާތަކުން އުފައްދާ އުފެއްދުންތައް މަދުވެދާނެކަމަށް ބައެއް މާހިރުން ލަފާކުރެއެވެ. ޗައިނާގެ ކާރުޚާނާތަކުގެ އުފެއްދުންތެރިކަން މައްޗަށް ޖެހިލުމާއެކު އޭޝިޔާގެ ކާރުޚާނާތަކުގެ އުފެއްދުންތެރިކަން ވަނީ މައްޗަށް ޖެހިލާފަ އެވެ.

ޗައިނާގެ ކާރުޚާނާތަކުގެ އުފެއްދުންތެރިކަމުގެ އިންޑެކްސް ޖުލައި މަހު ހުރީ 52.8ގަ އެވެ. ޖޫން މަހު ހުރީ 51.2ގަ އެވެ. މިއީ 2011 ވަނަ އަހަރުގެ ޖެނުއަރީ މަހުގެ ފަހުން މިހާބޮޑު ކުރިއެރުމެއް ހޯދި ފުރަތަމަ ފަހަރެވެ.

މީގެއިތުރުން ސަރވޭއިން ދައްކާގޮތުގައި ޗައިނާގެ އިގްތިޞާދު ކުރިން ލަފާކުރި މިންވަރަށްވުރެ އަވަހަށް އަންނަނީ ކުރިއަރަމުންނެވެ.

އެހެންނަމަވެސް ޖަޕާން އާއި ސައުތު ކޮރެއާގެ ކާރުޚާނާތަކުގެ އުފެއްދުންތެރިކަމުގެ ނިސްބަތް އަންނަނީ މަޑުމަޑުން ދަށަށްދަމުންނެވެ. އޭގެ ސަބަބަކީ އަދިވެސް ވައިރަސް ފެތުރޭ މިންވަރު ކޮންޓްރޯލްކުރުމުގައި ދިމާވަމުންދާ ދަތިތަކާއި ގުޅިގެން ކާރުޚާނާތަކުގެ އުފެއްދުންތައް އުފައްދަންވީ މިންވަރު ކަނޑަނޭޅި ކުރިމަތިވަމުންދާ ޕްރެޝަރތަކާ ހެދިކަމަށް ކަމާބެހޭ މާހިރުން ބުނެއެވެ.

ލޮކްޑައުން އާއި އިޖުތިމާޢީ ގައިދުރުކަމާއެކު އޭޝިޔާގެ ގިނަ ގައުމުތަކެއްގެ އިގްތިޞާދު ވަނީ ދަށަށްދާން ފަށާފަ އެވެ. އޭގެތެރޭގައި ޖަޕާން، ސައުތުކޮރެއާ، ތައިލެންޑް އަދި ސިންގަޕޯރ ހިމެނެ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
0%
0%
0%
0%
0%
ކޮމެންޓް