ކ. މާލެ
|
27 ޖުލައި 2020 | ހޯމަ 09:08
މިނިވަން ދުވަހާއި ގުޅިގެން ރާއްޖެޓީވީގައި ކުރިއަށް ގެންދިޔަ ޚާއްސަ ކަވަރޭޖްގައި ސްޓޭޓް މިނިސްޓަރު ތޯރިގް ވާހަކަ ދައްކަވަނީ
މިނިވަން ދުވަހާއި ގުޅިގެން ރާއްޖެޓީވީގައި ކުރިއަށް ގެންދިޔަ ޚާއްސަ ކަވަރޭޖްގައި ސްޓޭޓް މިނިސްޓަރު ތޯރިގް ވާހަކަ ދައްކަވަނީ
ރާއްޖެއެމްވީ
ތަރިކަ އާއި ސަޤާފަތް ރައްކާތެރިކުރުން
ސަޤާފަތާއި ތަރިކަ ރައްކާތެރިކުރުމަކީ ކިހާ މުހިންމުކަމެއްކަން ސިޔާސީ އިސް ލީޑަރުންނަށް އެނގެން އެބަޖެހޭ: ސްޓޭޓް މިނިސްޓަރު ތޯރިގް
 
ބައެއް ރަށްތަކުގައި ދާރުލްއާސާރަ ހެދުމުގެ މަސައްކަތް މިއަހަރުގެ ތެރޭގައި ފެށިގެންދާނެ
 
މިދާއިރާ އިން ވެސް ރާއްޖެއަށް އާމްދަނީ ލިބޭނެ މަގު ތަނަވަސް ވެގެންދާނެ
 
ރާއްޖޭގައި ސަޤާފީ ފަތުރުވެރިކަން ފެށޭނީ ތަރިކަ ރައްކާތެރިކޮށްގެން

ސަޤާފަތާއި ތަރިކަ ރައްކާތެރިކުރުމަކީ ކިހާ މުހިންމުކަމެއްކަން ސިޔާސީ އިސް ލީޑަރުންނަށް އެނގެން ޖެހޭ ކަމަށް ހެރިޓޭޖް މިނިސްޓްރީގެސްޓޭޓް މިނިސްޓަރުމުހައްމަދުތޯރިގް ވިދާޅުވެއްޖެއެވެ.

ދިވެހިރާއްޖޭގެ މިނިވަންކަމަށް 55 އަހަރު ފުރުނު 56 ވަނަ މިނިވަން ދުވަހާއި ގުޅިގެން ރާއްޖެޓީވީގައި ކުރިއަށް ގެންދިޔަ ޚާއްސަ ލައިވް ކަވަރޭޖްގައި ޕްރޮގްރާމުގައި އާދިއްތަ ދުވަހު ވާހަކަ ދައްކަވަމުންތޯރިގް ވިދާޅުވީ މިއީ ކިހާ މުހިންމުކަމެއްކަން އެނގިވަޑައިގަންނަވާނަމަ އެކަމަށް ބަޖެޓް ވެސް ލިބޭނެ ކަމަށެވެ.

މިކަންކަމުގެ މައުލޫތާއި މިއީ ކިހިނެއްވާކަމެއް ކަމާއި މި އެއްޗެހި ރައްކާތެރިކުރުމުގެ މުހިމުންކަމާއި މިކަންކަން އެބަޖެހޭ ސިޔާސީ ފެންވަރެއްގައި ސިޔާސީ ގޮތުން ތިއްބެވި އިސް ލީޑަރުންނަށް އެނގެން. ޤައުމުތަކުގެ ސިޔާސީ މަޤާމުތަކުގައި ތިއްބަވާ އިސްފަރާތްތަކަށް އެއީ ކިހާވަރެއްގެ މުހިންމު ކަމެއްކަން އެނގުނީމަ އަސްލު މިކަންކަން ރަނގަޅަށް ކުރެވިގެންދާނީ. ސަރުކާރުން ހިންގަން ވަޑައިގަންނަވާ ކެބިނެޓް ލެވަލް ނޫނީ މެޖޯރިޓީ ބޭފުޅުންނަށް އެނގިވަޑައިގަންނަވާކަމަށް ވަންޏާ އެތަންތަން ރައްކާތެރިކުރުމަށްޓަކައި ބަޖެޓް ވެސް ލިބޭނެ. އެކަންކަން ރައްކާތެރިކުރުމަށްޓަކައި ޓްރޭނިންގ ޕްރޮގްރާމުތައް ލިބޭނެ. އެ ދާއިރާތަކުން ކިޔެވުމުގެ ފުރުސަތުތައް މަޑުމަޑުން ހުޅުވިގެންދާނެ. އެކަންތައްތައް މިއަދާ ހަމައަށް އައިރުވެސް އެންމެ ރަނގަޅަކަށް ނުކުރެވޭ. އެކަންކަމަށް (ތަރިކަ އާއި ސަޤާފަށް ރައްކާތެރިކުރުމަށް) ލޯބި ހުރި މީހުން ކުރަމުން އައުމުގެ ސަބަބުން އެންމެ ރަނގަޅަށް ނޫންވިޔަސް އެކަންކަން ކުރެވެމުން އައީ މިއަދާ ހިސާބަށް ވެސް
މިނިސްޓަރު މުހައްމަދު ތޯރިގް

ސްޓޭޓް މިނިސްޓަރު ތޯރިގް ވިދާޅުވީ ހެރިޓޭޖް މިނިސްޓްރީގެ އަމާޒަކީ ގިނަ ފަތުރުވެރިން އަންނާނެ ދާއިރާއަކަށް އެ ދާއިރާ ވެގެންދިޔުން ކަމަށާއި ސަޤާޕީ ގޮތުން ރާއްޖެ އަކީ ކުރިއަރާފައިވާ ޤައުމެއްގެ ގޮތުން ދުނިޔޭގެ އެހެން ޤައުމުތަކަށް އެނގިގެން ދިޔުން ކަަމަށެވެ.

ރާއްޖޭގައި ސަޤާފީ ފަތުރުވެރިކަން ފެށޭނީ ތަރިކަ ރައްކާތެރިކޮށްގެންކަން ފާހަގަކުރައްވާ ތޯރިގް ވިދާޅުވީ މިދާއިރާ އިން ވެސް ރާއްޖެއަށް އާމްދަނީ ލިބޭނެ މަގު ތަނަވަސް ވެގެންދާނެ ކަމަށެވެ.

ސްޓޭޓް މިނިސްޓަރު ތޯރިގް އިތުރު ވިދާޅުވީ ކުރިއަތް އޮތްތާނގައި ރާއްޖޭގެ ޤައުމީ ދާރުލްއާސާރަ ތަރައްޤީ ކުރެވިގެންދާނެ ކަމަށެވެ. އަދި ޕްލޭންތައް ހެދި އެ މަސައްކަތް ކުރެވެމުންދާ ކަމަށާއި ރާއްޖޭގެ އެކި ސަރަހައްދުތަކުގައި ހުރި އާސާރީ ތަންތަން ރައްކާތެރިކޮށް އެތަންތަން ދެއްކޭނެ ޕްލޭންތައް ކުރެވުމުންދާ ކަމަށް ވިދާޅުވިއެވެ. ބައެއް ރަށްތަކުގައި ދާރުލްއާސާރަ ހެދުމުގެ މަސައްކަތް މިއަހަރުގެ ތެރޭގައި އެ މިނިސްޓްރީން ފަށާނެ ކަަމަށް ސްޓޭޓް މިނިސްޓަރު ފާހަގަކުރެއްވިއެވެ.

ރާއްޖޭގެ މިނިވަންކަން ރައްކާތެރިކުރުމަށްޓަކައި ކުރެވޭނެ އެންމެ ބޮޑު މަސައްކަތަކީ އަޅުގަނޑުމެންނަކީ ކޮންބައެއްކަން އަމިއްލައަށް އެނގުން ކަމަށް ތޯރިގް ވިދާޅުވިއެވެ.

ތާރީހު ދިރާސާ ކުރުމަކީ ތާރީހު ރަައްކާތެރިކުރުމަކީ އަބަދުވެސް ކުރަންޖެހޭ ކަމެއްކަމަށް ސްޓޭޓް މިނިސްޓަރު ވިދާޅުވިއެވެ.

0%
0%
0%
100%
0%
0%
ކޮމެންޓް