މަގާމުގައި ހުންނަން ވާނީ އޭރެއްގައި އޮންނަ ސަރުކާރުގެ ސިޔާސަތުތަކާއެކު މަސައްކަތް ކުރެވޭނެ ބޭފުޅެއް، އެއީ ސިޔާސީ ވުމެއް ނޫން: ޝަމާލް
26 ޖުލައި 2020 | އާދީއްތަ 03:40އެއީ ސިޔާސީ ވުމެއް ނޫން
ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލް
ޗީފް އޮފް ޑިފެންސް ފޯސްގެ މަގާމުގައި ހުންނަން ވާނީ އޭރެއްގައި އޮންނަ ސަރުކާރުގެ ސިޔާސަތު ތަންފީޒު ކުރެވޭ ބޭފުޅެއް ކަމަށާއި އެއީ ސިޔާސީ ވުމެއް ނޫން ކަމަށް މޭޖަރ ޖެނެރަލް އަބްދުﷲ ޝަމާލް ވިދާޅުވެއްޖެއެވެ.
ޝަމާލް މިހެން ވިދާޅުވީ ރާއްޖެޓީވީގެ ފަލަސުރުހީ ޕްރޮގުރާމްގައި ވާހަކަ ދައްކަވަމުންނެވެ.
ރާއްޖެޓިވީގެ ފަށާއިރު ޕްރޮގުރާމްގައި ވާހަކަ ދައްކަވަމުން ޝަމާލް ވިދާލުވީ، އެންމެ މަތީ މަގާމާއި ހަމަޔަށް ވާސިލުވުމަށް އެންމެ މުހިންމީ ތަމްރީނުތަކާއި އިހްލާސްތެރިކަމާއި ތައުލީމުކަމަށެވެ. ޝަމާލް ވިދާޅުވީ ޗީފް އޮފް ޑިފެންސް ފޯސް އަދި ވައިސް ޗީފް އޮފް ޑިފެންސް ފޯސްގެ މަގާމުގައި އިންނަވާއިރު އެންމެ މުހިންމު ކަމަކީ އެއިރެއްގައި އޮންނަ ސަރުކާރަކާއި އެކު މަސައްކަތް ކުރަން އެނގުންކަމަށެވެ. އެގޮތުން، ސަރުކާރުގެ ޕޮލިސީތައް ތަންފީޒުކުރަން އެނގެންޖެހުން އެއީ މުހިންމު ކަމެއްކަމަށާއި ގިނަ ގައުމުތަކުގައި އަމަލުކުރަމުން އަންނަ ގޮތަކީވެސް އެއީކަމަށް އޭނާ ވިދާޅުވިއެވެ.
ޕްރޮގުރާމްގައި އިތުރަށް ވާހަކަ ދައްކަވަމުން ޝަމާލް ވިދާޅުވީ، އެއީ ސިޔާސީ ވުމެއް ނޫންކަމަށާއި ނަމަވެސް ޗީފް އޮފް ޑިފެންސް ފޯސްގެ މަގާމަކީ އެއިރެއްގައި އޮންނަ ސަރުކާރެއްގެ ސިޔާސަތުތައް ރަނގަޅަށް ތަންފީޒުކުރެވޭނެ ބަޔަކަށް ވެގެންދާންޖެހޭނެ ކަމަށެވެ.
ޝަމާލް ވަނީ ޕްރޮގްރާމްގައި ގައުމީ ދިފާއީ ބާރުން މިހާރު ކުރައްވަމުން ގެންދަވާ މަސައްކަތް ހިއްސާކުރައްވައި ހާއްސަކޮށް ކޮވިޑާއި ގުޅިގެން ސިފައިން ކުރެއްވި އަގުހުރި މަސައްކަތް ފާހަގަކޮށް، މިނިވަން ދުވަހުގެ ތަހުނިޔާ އެންމެހައި ފަރާތްތަކަށް ޝުކުރު އަދާކުރައްވާފައެވެ.
