މޮނީޓަރިންގަށް ލެވޭ ގެތައް: ޑޮކިއުމަންޓް ހަމައެކަނި ދޫކުރަނީ ކަރަންޓީންވި މީހާއަށް
23 ޖުލައި 2020 | ބުރާސްފަތި 02:21ކޮންޓެކްޓެއް ހުރެއްޖެ ހާލަތުގައި އެގެއެއް ނުވަތަ އެޕާޓްމެންޓެއް މޮނިޓަރިންނަށް ލާނެ
ބުދަ ދުވަހުގެ ރޭ އެޗްއީއޯސީގައި ބޭއްވި ނޫސްވެރިންގެ ބައްދަލުވުމުގައި ޑރ. ނަޒްލާ ވާހަކަދައްކަވަނީ
މޮނީޓަރިންގަށް ލެވޭ ގެތަކުގައި ޑޮކިއުމަންޓް ހަމައެކަނި ދޫކުރަނީ ކަރަންޓީންވި މީހާއަށް ކަމަށް ހެލްތު އިމަރޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނެފިއެވެ.
ބުދަ ދުވަހުގެ ރޭ އެޗްއީއޯސީގައި ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު ޑރ. ނަޒްލާ ރަފީގް ވިދާޅުވީ ގެއެއް ނުވަތަ އެޕާޓްމަންޓް މޮނީޓަރިންގެ ހާލަތަށް ގެންނަ ކަމަށެވެ. އަދި ހޯމް ކަރަންޓީންގެ ލިޔުން ދޫކުރަނީީ ހަމައެކަނި ހޯމް ކަރަންޓީންގައި ހުންނަން އަންގާ މީހާއަށް އެކަނި ކަމަށާއި އެ ލިޔުން އެ ބިލްޑިންގގެ ނުވަތަ އެޕާޓްމަންޓް އެހެން މީހުންނަށް ދޫނުކުރާ ކަމަށެވެ.
ޑރ. ނަޒްލާ ވިދާޅުވީ އެ ބިލްޑިންގގެ ނުވަތަ އެޕާޓްމަންޓް ކަރަންޓީންއަށް ލުމުން، ދިރިއުޅޭ އެހެން މީހުންނަށް ގެއިން ނިނުކުމެވި، އޮފީހަަށް ވެސް ނުދެވޭނެ ކަމަށެވެ. މިފަދަ ހާލަތްތަކުގައި އޮފީސްތަކުން އެ ގެ މޮނީޓަރިންގެ ހާލަތަށް ލިކަމުގެ ލިޔުން ޤަބޫލުނުކޮށް، އެމީހެއް ވެސް ހޯމް ކަރަންޓީން ވި ކަމުގެ ލިޔުމަށް އެދޭ ކަމަށެވެ. އެހެންނަމަވެސް ލިޔުން ދޫކުރެވިގެންދަނީ ހަމައެކަނި ޕޮޒިޓިވްވި މީހާ ނުވަތަ ޕޮޒިޓިވްވި ކޭސްއަކާއި ކޮންޓެކްޓިވި މީހާއަށް އެކަނި ކަމަށް ޑރ. ނަޒްލާ ފާހަގަކުރެއްވިއެވެ.
އެހެންކަމުން މޮނިޓަރިންގައި ހުންނަ ގޭގޭގައި ދިރިއުޅޭ ފަރާތްތަކުން އެ ގެ މޮނީޓަރިންގެ ހާލަތަށް ގެނައިކަމުގެ ލިޔުން އެމީހެއްގެ އޮފީހަށް ހުށަހެޅޭނެ ކަމަށާއި، އެ ލިޔުން އޮފީސްތަކުން ގަބޫލުކުރަން ޖެހޭނެ ކަމަށް ޑރ. ނަޒްލާ ވިދާޅުވިއެވެ.
އެކި މައްސަލަތަކާ ގުޅިގެން ކޮންމެ ދުވަހަކު ވެސް ގިނަ މެއިލްތައް ލިބެމުންދާކަން ފާހަގަކުރައްވައި ޑރ. ނަޒްލާ ވިދާޅުވީ ވަގުތުން ވަގުތަށް އެޓެންޑް ނުކުރެވިދާނެ ކަމަށެވެ. ނަމަވެސް ޑޮކިއުމަންޓްގައި ތާރީހު ނުވަތަ އެހެންވެސް މައްސަލައެއް ދިމާވެއްޖެ ނަމަ އެކަން އީމެއިލް މެދުވެރިކޮށް ސަމާލުކަމަށް ގެނައުމުން އެ މައްސަލައަކަށް ވަގުތުން އެޓެންޑްވާނެ ކަމަށް ޑަރ. ނަޒްލާ ވިދާޅުވިއެވެ.
